Fotot dhe momentet historike/ Dita kur Kosova u shpall e pavarur

17 Shkurt 2025, 16:47, Kosova & Bota CNA

Shpallja e Pavarësisë së Kosovës u bë më 17 shkurt të vitit 2008 në orën 15:39 minuta, në Kuvendin e Republikës së Kosovës në Prishtinë. Në një mbledhje të jashtëzakonshme ku merrnin pjesë 109 nga gjithsej 120 deputetë, Kuvendi i Kosovës njëzëri shpalli Kosovën shtet të pavarur, sovran dhe demokratik.

Kanë kaluar 17 vite vite nga ajo ditë dhe ngjarje historike.

Në këtë përvjetor të Pavarësisë së Kosovës, është dita për të risjellë në vëmendje pamjet dhe detajet e kësaj ngjarjeje të madhe për shqiptarët.

Fotot dhe momentet historike/ Dita kur Kosova u shpall e pavarur

Deklarata e Pavarësisë së Kosovës

"Ne, udhëheqësit e popullit tonë, të zgjedhur në mënyrë demokratike, nëpërmjet kësaj Deklarate shpallim Kosovën shtet të pavarur dhe sovran. Kjo shpallje pasqyron vullnetin e popullit tonë dhe është në pajtueshmëri të plotë me rekomandimet e të Dërguarit Special të Kombeve të Bashkuara, Martti Ahtisaari, dhe Propozimin e tij Gjithëpërfshirës për Zgjidhjen e Statusit të Kosovës."

— 17 shkurt 2008 - Prishtinë

Fotot dhe momentet historike/ Dita kur Kosova u shpall e pavarur

Leximi i Deklaratës së Pavarësisë së Kosovës është bërë nga kryeministri i atëhershëm i Kosovës, Hashim Thaçi, në prani të deputetëve të Kuvendit të Kosovës, dhe Presidentit të Kosovës, në mbledhjen e mbajtur në kryeqendrën e Kosovës - Prishtinë, më 17 shkurt të vitit 2008. Deklarata e Pavarësisë së Kosovës u miratua në mënyrë unanime prej deputetëve të pranishëm në sallën e Kuvendit të Kosovës. Njëmbëdhjetë deputetë përfaqësues të pakicës serbe bojkotuan procedurën e votimit. Nëntë përfaqësues të pakicave tjera etnike ishin pjesë e kuorumit.

Fotot dhe momentet historike/ Dita kur Kosova u shpall e pavarur

Kushtetuta e Republikës së Kosovës u miratua më 9 prill 2008 dhe hyri në fuqi me 15 qershor 2008.

Një draft i Kushtetutës së re ishte përgatitur dhe publikuar në prill të 2008-ës. Pjesa më e madhe e kësaj kushtetute rrjedh nga Plani Ahtisari, duke i dhënë kështu të drejta specifike grupeve minoritare dhe një ambient më të sigurtë për të gjithë qytetarët e Kosovës.

Preambula thotë:

Ne, Populli i Kosovës, Të vendosur për të ndërtuar një ardhmëri të Kosovës si një vend i lirë, demokratik dhe paqedashës, i cili do të jetë atdhe i të gjithë qytetarëve të vet; Të përkushtuar për krijimin e një shteti të qytetarëve të barabartë, i cili do të garantojë të drejtat e secilit qytetar, liritë qytetare dhe barazinë e të gjithë qytetarëve para ligjit; Të zotuar që Kosova të jetë shtet i mirëqenies ekonomike dhe i prosperitetit social; Të sigurt që shteti i Kosovës do të kontribuojë në stabilitetin e rajonit dhe të mbarë Evropës, duke krijuar marrëdhënie të fqinjësisë dhe të bashkëpunimit të mirë me të gjitha shtetet fqinje; Të bindur që shteti i Kosovës do të jetë anëtar i denjë i familjes së shteteve paqedashëse në Botë. Me synimin që shteti i Kosovës të përfshihet në proceset integruese Euro-Atlantike; Në mënyrë solemne, miratojmë Kushtetutën e Republikës së Kosovës.

Fotot dhe momentet historike/ Dita kur Kosova u shpall e pavarur

Monumenti i Newborn është një skulpturë tipografike dhe turistike turistike në Prishtinë, Kosovë. Newborn është krijuar nga Fisnik Ismaili.

U vendos përballë Pallatit të Rinisë dhe Sporteve dhe është promovuar më 17 Shkurt 2008, në të njëjtën ditë kur Kosova u shpall e pavarur.

Monumenti ka fjalën angleze “Newborn” në shkronja të mëdha, të cilat janë ngjyrosur me ngjyrë të verdhë të çelët. Monumenti, më vonë u ngjyros përsëri me flamuret e shteteve të cilat e njohin Kosovën.Newborni ngjyroset ndryshe çdo 17 Shkurt./CNA

Fotot dhe momentet historike/ Dita kur Kosova u shpall e pavarur