web counter
LEXO PA REKLAMA!

SHKARKO APP

App Store
Google Play

E fundit!

x

Dyshime për falsifikim të të dhënave të vaksinimit/ Policia bastis shtëpinë e ish-presidentit Bolsonaro

3 Maj 2023, 16:26, Kosova & Bota CNA
Dyshime për falsifikim të të dhënave të vaksinimit/
Ish-presidenti i Brazilit, Jair Bolsonaro

Policia braziliane bastisi këtë të mërkurë shtëpinë e ish-presidentit të Brazilit, Jair Bolsonaro, si pjesë e një hetimi ndaj një grupi të dyshuar për ndërhyrje në një bazë të dhënash qeveritare që mban informacion rreth vaksinimeve kundër COVID-19.

Mediat e huaja raportojnë se gjatë kontrolleve është sekuestruar telefoni i ish-presidentit.

Sipas "NBC News", autoritetet kanë arrestuar dy nga ndihmësit më të afërt të Bolsonaros, Mauro Cid dhe Max Guilherme, gjatë këtij operacioni.

Kontrollet dhe arrestimet janë kryer, pasi ka dyshime të forta se baza e të dhënave të të vaksinuarve me COVID-19 ishte ndryshuar dhe përmbante të dhëna të rreme.

Autoritetet dyshojnë se kjo gjë është bërë me qëllim që të pajisen me certifikatën e vaksinimit persona të pavaksinuar për të udhëtuar në Shtetet e Bashkuara.

Dyshimet nisën pasi në listën e personave të vaksinuar u gjet edhe emri i Bolsonaros. Ish-presidenti ishte një nga kundërshtarët më të mëdhenj të vaksinës dhe në mënyrë të përsëritur kishte shprehur se nuk do ta bënte atë.

Gjatë një daljeje për mediat në vitin 2021, ai pretendoi se vaksinat COVID-19 rritën mundësinë e zhvillimit të SIDA-s.

Ndërkohë në databazë rezultonte se ish-presidenti Brazilian ishte vaksinuar. Nga ana tjetër, Jair Bolsonaro mohoi çdo akuza të ngritur ndaj tij për falsifikimin e dokumenteve./ CNA.al





Lajmet e fundit nga