web counter
LEXO PA REKLAMA!

SHKARKO APP

App Store
Google Play

E fundit!

x

Australia do të ndalojë përdorimin e cigareve elektronike

2 Maj 2023, 08:09, Kosova & Bota CNA
Australia do të ndalojë përdorimin e cigareve elektronike
Foto ilustruese

Qeveria australiane do të ndalojë cigaret elektronike dhe duke ushtruar kontrolle mbi importet dhe paketimet për të dekurajuar cigaret elektronike, veçanërisht tek adoleshentët.

Ministri australian i Shëndetësisë, Mark Butler, tha të martën se cigaret elektronike janë bërë një problem kryesor pasi po përdoret nga nxënësit e shkollave.

Cigaret elektronike janë parë si një alternativë ndaj pirjes së duhanit dhe një produkt për të ndihmuar duhanpirësit të lënë duhanin, por në vend të kësaj, adoleshentët madje dhe fëmijët e vegjël po e përdorin cigaren elektronike, duke e kthyer në një varësi.

Duke njoftuar rregulloret e reja, Butler tha se cigaret elektronike pa recetë do të ndalohen nga importi dhe do të kërkohet të kenë paketim të ngjashëm me farmaceutikën, që synojnë të shiten si produkte për të ndihmuar vetëm duhanpirësit të lënë duhanin.

Paketat me ngjyra të ndezura dhe me shije argëtuese që joshin përdoruesit më të rinj do të kufizohen dhe të gjitha cigaret elektronike njëpërdorimshme do të ndalohen, shtoi Butler.

Përpara se ndryshimet të shpalleshin të martën, e vetmja mënyrë ligjore për të shitur një cigare elektronike në Australi ishte përmes një recete të dhënë nga një mjek në një farmaci.

Sipas Butler, "tregu i zi" i dyqaneve dhe stacioneve që shesin cigaret elektronike pa asnjë etiketim apo paralajmërim për të miturit, ka lulëzuar nën mungesën e rregulloreve dhe veprimeve.

Gati 20 milionë dollarë do të përdoren për të ndihmuar australianët të heqin dorë nga cigaret elektronike dhe mbi 41 milionë dollarë do të caktohen për një fushatë kombëtare informacioni që synon të rinjtë, tha Butler. Taksa e duhanit në Australi do të rritet gjithashtu me 5% në vit gjatë tri viteve të ardhshme duke filluar nga 1 shtatori.

“Vape"-të përdoren në mënyrë disproporcionale nga të rinjtë në Australi, edhe pse vendi ka një nga normat më të ulëta të pirjes së duhanit midis shteteve anëtare të Organizatës për Bashkëpunim dhe Zhvillim Ekonomik (OECD).

Një në gjashtë adoleshentë të moshës 14 deri në 17 vjeç kanë provuar cigaret elektronike, ndërsa një në katër persona të moshës 18 deri në 24 vjeç kanë provuar gjithashtu alternativën e pirjes së duhanit, tha Butler./ CNA.al





Lajmet e fundit nga