web counter
LEXO PA REKLAMA!

SHKARKO APP

App Store
Google Play

E fundit!

x

Lufta në Ukrainë/ Rusia nis sulmin e dytë me raketa 

1 Maj 2023, 09:29, Kosova & Bota CNA
Lufta në Ukrainë/ Rusia nis sulmin e dytë me raketa 
Foto ilustruese

Rusia ka nisur një seri sulmesh me raketa dhe artileri në Ukrainë, sulmi i dytë pas atij të tri ditëve më parë.

Një person humbi jetën në rajonin Kherson dhe 25 persona, përfshirë tre fëmijë, u plagosën në Dnipropetrovsk.

Forcat e armatosura të Ukrainës thanë se 15 nga 18 raketat e lëshuara u kapën nga mbrojtja ajrore e vendit.

Një nga objektivat kryesorë ishte qyteti i Pavlohrad pranë Dnipro.

Përmes një posti në "Telegram", Vladimir Rogov tha se raketat synonin infrastrukturën hekurudhore dhe depot e karburantit.

Nëntëmbëdhjetë blloqe apartamentesh të larta, 25 shtëpi private, gjashtë shkolla dhe kopshte dhe pesë dyqane u dëmtuan nga sulmet.

Ushtria e Ukrainës ka folur prej disa kohësh për një kundërofensivë të madhe, pa specifikuar se ku dhe kur mund të nisë.

Pavlohrad është në territorin e mbajtur nga ukrainas, rreth 70 milje (110 km) nga vija e frontit.

Në një dalje të tij, kreu i administratës ushtarake të qytetit të Kievit, Serhiy Popko tha se raketat u rrëzuan edhe në hapësirën ajrore të Kievit.

Në rajonin Kherson, i cili është ende pjesërisht i kontrolluar nga Rusia, një autoritet rajonal ukrainas tha se rusët kishin kryer 39 granatime.

Sipas autoriteteve ato vinin nga armët me bazë tokësore, si dhe drone dhe avionë.

Të premten, Rusia tha se ushtria e saj po synonte njësitë rezervë të ushtrisë ukrainase.

Sistemet e mbrojtjes ajrore të Ukrainës janë forcuar muajt e fundit pasi Perëndimi dërgoi sërish armë./ CNA.al





Lajmet e fundit nga