web counter
LEXO PA REKLAMA!

SHKARKO APP

E fundit!

x

DASH: Nuk e kemi vërtetuar se Serbia i ka tërhequr trupat nga kufiri me Kosovën

2 Tetor 2023, 21:20, Kosova & Bota CNA
DASH: Nuk e kemi vërtetuar se Serbia i ka tërhequr trupat nga kufiri
Zëdhënësi i Departamentit amerikan të Shtetit, Matthew Miller

Zëdhënësi i Departamentit Amerikan të Shtetit, Matthew Miller, ka reaguar për tensionet në veri të Kosovës.

Miller tha se Shtetet e Bashkuara nuk kanë mundur ta vërtetojnë se Serbia i ka tërhequr trupat dhe mjetet ushtarake nga kufiri me Kosovën.

“I kemi parë lajmet se Serbia i ka tërhequr trupat, por ne nuk kemi mundur ta vërtetojmë ende në mënyrë të pavarur këtë”, delaroi ai gjatë një konference për mediat këtë të hënë.

Zëdhënësi i DASH theksoi se SHBA-ja do të kërkojë ta vërtetojë këtë dhe nëse tërheqja e trupave është e vërtetë, do ta përshëndesë hapin e hedhur nga Serbia.

Ai shprehu shqetësim për rritjen e vazhdueshme të tensioneve dhe dhunës së herëpashershme në veri të Kosovës.

Kujtojmë se prej disa ditësh, SHBA i ka bërë thirrje Serbisë të tërheqë trupat dhe mjetet ushtarake nga kufiri me Kosovën./ CNA





Lajmet e fundit nga