web counter
LEXO PA REKLAMA!

SHKARKO APP

App Store
Google Play

E fundit!

x

Banda e Haitit hap zjarr ndaj protestuesve në kryeqytet, duke vrarë 7 persona

27 Gusht 2023, 09:16, Kosova & Bota CNA

Banda e Haitit hap zjarr ndaj protestuesve në kryeqytet, duke vrarë 7

Një bandë në Haiti ka qëlluar dhe vrarë të paktën shtatë persona që po marshonin në një protestë të madhe të organizuar nga një udhëheqës kishe.

Qindra famullitarë, disa të armatosur me hanxharë, marshuan nëpër një periferi të kryeqytetit, Port-au-Prince, në një përpjekje për të pastruar zonën nga anëtarët e bandave, raporton "BBC".

Mësohet se banda ka hapur zjarr ndaj tyre me automatikë.

Dhuna në rritje e bandave në Haiti ka lënë më shumë se 2,400 njerëz të vdekur vetëm në vitin 2023.

Ekziston frika se numri i të vdekurve nga të shtënat e së shtunës mund të rritet, me disa persona të plagosur dhe të tjerë të rrëmbyer.

Agjencia e lajmeve "Reuters" thotë se videot e paverifikuara në mediat sociale tregonin njerëz të qëlluar në rrugë, trupa të shtrirë në tokë dhe njerëz që dukeshin si pengje duke thënë se mendonin se marshimi ishte paqësor dhe nuk e kishin idenë se ishte për të sulmuar bandën.

Protesta ndodhi në periferi të Kanaanit, e cila u themelua nga të mbijetuarit e tërmetit shkatërrues të vitit 2010.

Canaan kontrollohet nga një bandë e udhëhequr nga një njeri i identifikuar vetëm si "Jeff", i cili besohet të jetë aleat me bandën 5 Segonn "5 Seconds"./ CNA





Lajmet e fundit nga