LEXO PA REKLAMA!

SHKARKO APP

Shtyhet data e rregjistrimit të popullsisë në Kosovë/ “Shkak procedurat e tejzgjatura të prokurimit publik”

26 Gusht 2023, 16:23, Kosova & Bota CNA

Shtyhet data e rregjistrimit të popullsisë në Kosovë/

Regjistrimi i popullsisë në Kosovë është shtyrë me dy muaj, duke u vendosur që ky proces të zhvillohet në muajin nëntor.

Lajmin e ka bërë të ditur zëvendës-kryeshefi i Agjencisë së Statistikave të Kosovës, Ilir Berisha i cili deklaroi se arsyeja e kësaj zhvendosje ishin procedurat e tejzgjatura të prokurimit publik.

Ai ka theksuar se janë bërë të gjitha përgatitjet e nevojshme për të filluar nga nëntori me regjistrimin e popullsisë, përfshirë edhe krijimi i komisioneve komunale në shumicën e komunave, përveç atyre veriore, për të cilën shtoi se presin nga kryetarët e komunave të fillojnë me këto përgatitje, që ata të bëjnë propozimet për anëtarë të komisioneve.

Ndër të tjera, Berisha deklaroi se një pjesë e madhe e buxhetit të regjistrimit gjatë vitit 2011, ishte siguruar nga donatorët dhe kishte pasur nevojë për angazhim të organizatës UNPOS, por kësaj radhe nuk u mundësua kjo marrëveshje e ngjashme.

Ai theksoi se regjistrimi do fillojë nga 1 nëntor dhe të zgjasë një muaj e gjysmë, deri më 15 dhjetor të këtij viti./CNA

Lajmet e fundit nga