web counter
LEXO PA REKLAMA!

SHKARKO APP

App Store
Google Play

E fundit!

x

Pas vdekjes të Prigozhin, Putin urdhëron luftëtarët e Wagnerit të nënshkruajnë betimin e besnikërisë ndaj Rusisë

26 Gusht 2023, 12:33, Kosova & Bota CNA

Pas vdekjes të Prigozhin, Putin urdhëron luftëtarët e

Presidenti Vladimir Putin ka urdhëruar luftëtarët e Wagner të nënshkruajnë një betim për besnikëri ndaj shtetit rus pas aksidentit vdekjeprurës ku u raportua se ka humbur jetën Yevgeny Prigozhin , kreu i grupit Wagner.

Putin nënshkroi dekretin që sjell ndryshimin me efekt të menjëhershëm të premten.

Kremlini hodhi poshtë deklartatat se Prigozhin ishte vrarë me urdhër të Putin, duke i quajtur gënjeshtra absolute.

Autoriteti i aviacionit të Rusisë ka deklaruar se Prigozhin ishte në bordin e një avioni privat që u rrëzua të mërkurën në mbrëmje në veriperëndim të Moskës, aksident nga i cili nuk pati të mbijetuar, dy muaj pasi ai udhëhoqi një rebelim të dështuar kundër shefave të ushtrisë.

Presidenti Vladimir Putin shprehu ngushëllimet e tij për familjet e të vrarëve në aksident të enjten, ku foli dhe për Prigozhin.

Prezantimi i një betimi të detyrueshëm nga Putin për punonjësit e Wagner dhe kontraktorët e tjerë privatë ushtarakë ishte një lëvizje e qartë për të vënë grupe të tilla nën kontroll më të rreptë shtetëror.

Dekreti, i publikuar në faqen e internetit të Kremlinit, detyron këdo që kryen punë në emër të ushtrisë ose që mbështet atë që Moska e quan "operacioni i saj special ushtarak" në Ukrainë, të betohen zyrtarisht për besnikëri ndaj Rusisë.

I përshkruar në dekret si një hap për të farkëtuar themelet shpirtërore dhe morale të mbrojtjes së Rusisë, formulimi i betimit përfshin një rresht në të cilin ata që e marrin atë premtojnë të ndjekin me përpikëri urdhrat e komandantëve dhe drejtuesve të lartë./ CNA





Lajmet e fundit nga