LEXO PA REKLAMA!

SHKARKO APP

AstraZeneca ngre padi kundrejt qeverisë amerikane

26 Gusht 2023, 15:51, Kosova & Bota CNA

AstraZeneca ngre padi kundrejt qeverisë amerikane

AstraZeneca është një ndër kompanitë më të fundit farmaceutike ka ngritur padi kundrejt SHBA-së mbi një ligj që lejon qeverinë të negociojë çmimet e disa barnave.

Kompania britaniko-suedeze thotë se reforma, që vjën në kuadër të ligjit të vitit të kaluar për uljen e inflacionit, minon qëllimin për të inkurajuar investimet në barna për trajtimin e sëmundjeve të rralla.

Prodhuesit e tjerë të barnave, duke përfshirë Merck, Bristol Myers Squibb dhe Johnson & Johnson dhe një grup lobuesish farmaceutikë amerikanë, kanë ngritur tashmë padi kundër reformës.

Nënkryetari ekzekutiv i njësisë së biznesit onkologjik të AstraZeneca, Dave Fredrickson, shpjegoi se për shkak të reformës, pacientët me sëmundje të rralla që përfituan nga ligji do të kenë "qasje të vonuar në zbulimet shkencore".

"Pacientët me sëmundje të rralla dhe kancer varen nga zhvillimi i ilaçeve me rrezik të lartë dhe të pamundur që kërkojnë shumë vite për t'u zhvilluar” tha Fredrickson.

Departamenti Amerikan i Shëndetësisë njoftoi se do të "mbrojë me forcë Aktin e Presidentit për negocimin e çmimit të barnave, i cili tashmë po ndihmon në uljen e kostove të kujdesit shëndetësor për të moshuarit dhe njerëzit me aftësi të kufizuara".

Procesi do të nisë javën e ardhshme, kur Qendra e Shërbimeve Mjekësore do të publikojë listën me 10 barnat e shtrenjta që do të jenë në fokus të negociatave./CNA

Lajmet e fundit nga