web counter
LEXO PA REKLAMA!

SHKARKO APP

App Store
Google Play

E fundit!

x

Asambleja e Kie-së e quan gjenocid rrëmbimin e fëmijëve ukrainas

28 Prill 2023, 10:59, Kosova & Bota CNA

Asambleja Parlamentare e Këshillit të Evropës të enjten votoi zyrtarisht për përcaktimin e rrëmbimit dhe deportimit të fëmijëve ukrainas nga rusët në Rusi, si "gjenocid".

Rezoluta kërkon kthimin e sigurt të fëmijëve ukrainas që u dërguan me forcë në Rusi, si dhe ndëshkimin e duhur për që kanë kryer të paligjshmëri, duke vënë në dukje se informacioni i mbledhur në raport përputhet me përkufizimin ndërkombëtar të gjenocidit.

Rezoluta gjithashtu vë në dukje se Moska filloi dëbimet e paligjshme nga jetimoret dhe objektet e kujdesit edhe para pushtimit.

Në një raport të udhëhequr nga Paulo Pisco, një deputet portugez i Asamblesë, tha se fëmijët e dëbuar i janë nënshtruar një procesi 'rusifikimi' përmes riedukimit në gjuhën ruse, duke u ndaluar të flasin ukrainisht dhe duke qenë të ekspozuar ndaj propagandës së Kremlinit.

“Këto transferime të fëmijëve ukrainas ishin planifikuar dhe organizuar në një mënyrë sistematike si politika shtetërore”, thuhej në rezolutë, dhe kishin qëllimin e urryer për të “asgjësuar çdo lidhje dhe veçori të identitetit të tyre ukrainas”.

Fëmijët që jetojnë në kujdesin e institucionalizuar deportohen nën maskën e evakuimit nga zonat e shkatërruara nga lufta. Të tjerët janë ndarë nga familjet e tyre në kampet e filtrimit.

Sipas statistikave të qeverisë ukrainase nga mesi i prillit, mbi 19,384 fëmijë ishin marrë ose transferuar në Rusi.

 

 

 





Lajmet e fundit nga