web counter
LEXO PA REKLAMA!

SHKARKO APP

App Store
Google Play

Akuzat për vrasjen e Navalny/ Reagon Kremlini: Fushatë dezinformimi nga Perëndimi

14 Shkurt 2026, 22:48, Kosova & Bota CNA

Akuzat për vrasjen e Navalny/ Reagon Kremlini: Fushatë dezinformimi

Kremlini i është përgjigjur akuzave nga Britania dhe vendeve evropiane se lideri i opozitës Alexei Navalny është vrarë nga një toksinë e nxjerrë nga bretkosat helmuese të Amerikës së Jugut, gjatë kohës që vuante dënimin në një burg rus në vitin 2024.

Zëdhënësja e Ministrisë së Jashtme ruse, Maria Zakharova i cilësoi akuzat si një fushatë dezinformimi nga Perëndimi, pasi sipas saj ato nuk mbështeten në prova konkrete.

“Do të ketë rezultate të analizave do të ketë formula të substancave. Pa këtë, të gjitha bisedimet dhe deklaratat e dhëna janë një fushatë që synon të largojë vëmendjen nga problemet e Perëndimit”, tha Zakharova.

Edhe ambasada ruse në Mbretërinë e Bashkuar ka mbajtur të njëjtin qëndrim.

“Ky nuk është një kërkim për drejtësi, por një tallje me të vdekurit. Edhe pas vdekjes së një qytetari rus, Londra dhe kryeqytetet evropiane nuk mund t’i japin atij paqe, gjë që flet shumë për nxitësit e kësaj fushate", thuhet në reagimin e ambasadës rusë në Britani.

Mbretëria e Bashkuar, Suedia, Franca, Gjermania dhe Holanda lëshuan një deklaratë të përbashkët duke thënë se lideri opozitar rus është helmuar.

Kjo bazuar në analizat e mostrave të marra nga Navalny, të cilat konfirmojnë praninë e epibatidinës, një toksinë e nxjerrë nga bretkosat helmuese të Amerikës së Jugut, e njohur për shkaktim të paralizës dhe ndalimit të frymëmarrjes.

Përmes deklaratës së përbashkët, pesë shtetet thanë se Rusia ka pretenduar se Navalny humbi jetën nga shkaqe natyrore. Por, duke marrë parasysh toksicitetin e epibatidinës dhe simptomat e raportuara, sipas deklaratës helmimi ka gjasa të mëdha të ketë shkaktuar vdekjen e tij. /CNA





Lajmet e fundit nga