web counter
LEXO PA REKLAMA!

SHKARKO APP

App Store
Google Play

Lufta në Ukrainë/ Von der Leyen në Mynih: Evropa nuk duhet të pranojë narrativën ruse

14 Shkurt 2026, 19:47, Kosova & Bota CNA

Lufta në Ukrainë/ Von der Leyen në Mynih: Evropa nuk duhet

Presidentja e Komisionit Evropian, Ursula von der Leyen, tha se është jashtëzakonisht e rëndësishme që të mos pranojmë narativën ruse për pushtimin e Ukrainës nga Moska.

Gjatë fjalës së saj në Konferencën e Sigurisë në Mynih, presidentja e KE-së tha se qëllimet strategjike ushtarake të presidentit të Rusisë, Vladimir Putin kanë dështuar, pasi ai nuk arriti që të përvetësonte territorin ukrainas. 

“Nëse shohim qëllimet strategjike dhe ushtarake të Putinit, ato kanë dështuar plotësisht. Ai donte të ‘rusifikonte’ Ukrainën, por Ukraina është bërë evropiane. Ai donte të ndalte NATO-n, por NATO është zgjeruar.

Është shumë e rëndësishme që ne, nga ana jonë, të tregojmë të vërtetën për atë që po ndodh në Rusi me ekonominë e luftës, me normat e larta të interesit dhe inflacionin, tërësisht të izoluar. Është jetike të avancojmë negociatat dhe të ushtrojmë presion mbi Putinin”, tha zyrtarja evropiane.

Von der Leyen theksoi se lufta po afrohet drejt katër viteve, ndonëse Putini synonte të pushtonte Ukrainën “brenda disa ditësh ose javësh”.

Sipas saj, për këtë nevojitet  një “zgjim të vërtetë evropian”, duke shtuar se Evropa duhet të ndërtojë kapacitete strategjike në hapësirë, inteligjencë dhe aftësi goditëse. 

“Ky është një zgjim i vërtetë evropian dhe ky është vetëm fillimi i asaj që duhet të bëjmë. Duhet të zhvillojmë shtyllën evropiane të kapaciteteve strategjike… Koha ka ardhur për ta sjellë në jetë klauzolën e mbrojtjes së ndërsjellë të Evropës”, pohoi presidentja e KE-së.

Udhëheqësit botërorë janë mbledhur në Mynih, ku në agjendë janë lufta në Ukrainë, tensionet me Kinën dhe një marrëveshje e mundshme bërthamore midis Iranit dhe SHBA-së. /CNA





Lajmet e fundit nga