web counter
LEXO PA REKLAMA!

SHKARKO APP

App Store
Google Play

E fundit!

x

Vendimi/ Washingtoni njeh zyrtarisht 17 shkurtin si ditën e Pavarësisë së Kosovës

14 Shkurt 2026, 19:15, Kosova & Bota CNA

Vendimi/ Washingtoni njeh zyrtarisht 17 shkurtin si ditën e

Ambasada e Kosovës në SHBA ka njoftuar se 17 shkurti është shpallur zyrtarisht, si dita e Pavarësisë së Kosovës, në Washington.

Në një postim të ambasadës në “X”, është publikuar dokumenti zyrtar i firmosur nga kryetarja e Washingtonit, Muriel Bowser.

Në deklaratë thuhet se ky vendim ka ardhur si rezultat i përparimit të madh që Kosova ka shënuar për mbrojtjen e ligjit, të drejtave të njeriut e forcimit të saj ndërkombëtar që nga viti 2008.

“Faleminderit kryetarja Bowser që njohët zyrtarisht 17 shkurtin si Ditën e Pavarësisë së Kosovës në Washington, D.C.”, thuhet në postimin e Ambasadës.

Vendimi i plotë:

DUKE PASUR PARASYSH se, që nga shpallja e pavarësisë më 17 shkurt 2008, Republika e Kosovës ka shënuar përparim të madh në promovimin e sundimit të ligjit, mbrojtjen e të drejtave të njeriut dhe forcimin e pozitës së saj ndërkombëtare; dhe

DUKE PASUR PARASYSH se lidhja ndërmjet Kosovës dhe Shteteve të Bashkuara është unike dhe e qëndrueshme, e ndërtuar mbi vlera të përbashkëta demokratike, partneritet afatgjatë dhe respekt të thellë të ndërsjellë; dhe

DUKE PASUR PARASYSH se qytetarët shqiptaro-amerikanë japin kontribute të rëndësishme në pasurimin kulturor dhe qytetar të Uashingtonit, DC; dhe

DUKE PASUR PARASYSH se ne i bashkohemi komunitetit shqiptar dhe Ambasadës së Republikës së Kosovës në përkujtimin e 18-vjetorit të pavarësisë së Republikës së Kosovës;

TANI, PRANDAJ, UNË, KRYETARJA E BASHKISË SË WASHINGTON, DC, shpall 17 shkurtin 2026 si “DITA E PAVARËSISË SË KOSOVËS” në Washington, DC.





Lajmet e fundit nga