E fundit!

12:46 World

They belonged to an international drug trafficking network/ Kosovo seizes assets worth 1 million euros

Kosovo authorities announced that on June 30 they conducte...

Baba Karlo humb bllokun

2023-02-07 19:20:00, Satire CNA

Foto ilustruese

Nuk ndodh që Baba Karlon ta shohësh pa një bllok të trashë nën sqetull. Aq e shtrëngon sa duket sikur e ka gjymtyrë të trupit, si krah të tretë. Dhe nga ky kujdes mendohet se ky bllok brenda përmban gjëra të çmuara. Ose sekrete për të tjerët, që Karlo i përdor për gjoba,ose informacione që i duhen veç Karlos. Ai dhe kur lëviz me makinë, bllokun nën sqatull e mban. Madje dhe në wc kur shkon nuk e lëshon. Sa të vjen të qeshësh kur mendon sikletet e tij kur shurros.

Po një ditë i ndodhi hataja. Po ecte mbi urën e Lanës andej nga ish-ekspozita dhe fap iu shkëput blloku. I ra drejt e në lumë. Ishte ditë shiu, Lana qe fryrë e blloku i la shëndenë Karlos. Atë çast ai nga dëshpërimi nisi të bëjë si ujk. E më pas ia plasi të qarës. Nuk u shkul nga ura tre ditë rresht. Po fati qe me të,si përherë. Bllokun e gjeti një burrë që mblidhte kanaçe andej nga Lapraka. E dorëzoi në polici nga që pa brenda plot harta e vizatime. Iu duk si bllok i qeverisë andaj nuk e shiti si mbeturinë.

?Baba Karloja?
3 Shkurt, 20:10

Shefi i policisë në faqe të parë lexoi emrin e Karlos, pa dhe një numër celulari ndaj e thirri.

Karlo sa pa bllokun nuk mbahej. E fërkonte dhe i këndonte.

-Te ky bllok kam emrat e kompanive që kam krijuar në Shqipëri. 100 faqet e para për to i kam. Ndryshe s?do i mbaja mend. Më pas janë planimetritë e shumë pronave shtetërore që do i marr në përdorim tani e vitin që vjen do bëhem pronar i tyre. Dhe këto shkojnë në 80 faqe.

Polici po çuditej me ngazëllimin e Karlos.

-Sa i gëzohesh një blloku?!- e pyeti.

-Nuk është bllok. Është pasuria e shqiptarëve e transferuar te unë.

E shtrëngoi nën sqetull e vrapoi tek QRB që të shënonte kompaninë e re që hapi për të bërë një pallat në një oborr shkolle.