web counter
LEXO PA REKLAMA!

SHKARKO APP

App Store
Google Play

E fundit!

x

Të rejat e Vitit të Ri nga PD-ja e Vulës

2023-01-04 18:02:00, Editorial CNA
Të rejat e Vitit të Ri nga PD-ja e Vulës
Fotomontazh

Pas shumë shtyrjesh, Gjykata ka njoftuar sërish një seancë për shqyrtimin dhe vendimmarrjen lidhur me Vulën e PD-së.

Seanca kësaj radhe është njoftuar të mbahet në 17 Janar.

Dash Sula dhe Saimir Korreshi nuk do jenë në dyert e Gjykatës kësaj rradhe për t'u siguruar që përfaqësuesit e PD-së do të paraqiten sipas orarit dhe nuk do sëmuren siç ka ndodhur shpesh në vitin që sapo iku.

Të rejat e Vitit të Ri nga PD-ja e Vulës
Dash Sula dhe Saimir korreshi para gjykatës së Apelit

Pas konfliktit për preferencat lidhur me kandidatët për Avokat Populli, në PD-në e Vulës ka pasur rigrupime të forcave.

Dashi dhe Saimiri janë reshtuar pas Gazit, pa ju gëzuar dot ndonjë fitoreje politike në procedurat e zgjedhjes së Avokatit të Popullit. Dashi, Saimiri, Gazi, Jorida dhe 8 deputetë të tjerë, gjatë provave për konsolidimin e grupit bënë edhe sakrificën e të shfaqurit si budallenj kur deklaruan që kishin firmosur mbështetjen për 12 kandidatura, por kishin qenë esëll vetëm për njërën kandidaturë.

Pasoja më e parë e këtij konsolidimi ishte forcimi i radhëve edhe në grupin e Alibeajt, pas të cilit u rreshtuan Gjekmarkaj, Bushati dhe 7 të tjerë.

Të nesërmen e humbjes së radhës, grupi i PD-së së Vulës ishte organizuar në 2 nën-grupe, ai i Alibeajt dhe ai i Gazit dhe Joridës.

Por data 17 Janar po afron. Ndaj të gjithë i kanë hedhur sytë drejt sfidave të reja.

Të rejat e Vitit të Ri nga PD-ja e Vulës
Enkelejd Alibeaj

Pas datës 17 Janar vula pritet që t’i dorëzohet zyrtarisht Grupit të Vulës. Por realitetet e betejave të zhvilluara, kanë forcuar shumë disa personalitete brenda grupit të PD-së së Vulës.

Alibeaj ka kataloguar fitoret personale gjatë vitit 2022, si person i vendosur në krye të grupit parlamentar të PD-së së Vulës.

Alibeaj midis shumë fitoreve ka hapur përshembull dosjet e Sigurimit të Shtetit, ka korrur sukses të paharrueshëm si bashkëkryetar i komisionit për hetimin e zgjedhjeve, ka fituar në betejën politike me Ramën për zgjedhjen e Presidentit, ka treguar që nuk heq dorë nga ideja e promovimit të shokëve edhe nëse shokët nuk i pranohen nga askush. Ndaj e quan sidoqoftë fitore që megjithëse nuk promovon dot shokun e vet, nuk i le as të tjerët të promovojnë shoqnin e tyre. Të gjitha këto fitore të kryera tashmë si dhe ajo e pritshme për reformën zgjedhore i japin të gjithë të drejtën që të jetë ai personi që do fusë në xhep vulën që do të fitohet në datën 17 Janar.

Të rejat e Vitit të Ri nga PD-ja e Vulës
Gaz Bardhi dhe Lulzim Basha

Gaz Bardhi ka mbajtur shënimet e veta dhe i ka rezultuar që i ka qëndruar çdo porosie të Lulit gjatë 1 viti që Luli publikisht duket në konflikt me Doktorin.

Ndaj, ai ashtu si Luli beson se Vula duhet që të sistemohet në xhepin e Lulit.

Të dyja palët në heshtje kanë pranuar që e vetmja zgjidhje është operacioni:

"Marrim Vulën, nisim zgjedhjet e reja".

Secili po aktivizon mbështetësit. Duket se vrulli i garës ka përfshirë edhe Joridën. Meqë PD nuk ka pasur asnjëherë kryetare femër, edhe Jorida po përgatitet të hyjë në garë. Edhe ajo ka siguruar mbështetësit e vet që besojnë se Jorida është e vetmja që mund ta kapë keq Ramën. Madje ndonjëri beson që edhe gruaja e Ramës ka vënë re se vetëm Jorida mund ta fusë në pozitë të vështirë Ramën. Dhe e gjitha duket e besueshme sa kohë që historia tregohet nga vetë Jorida. Orjola Pampuri, Arbi Agalliu dhe nja 2 të tjerë po punojnë ndërkohë në linjën: Jorida për Kryetare PD-je.

Të rejat e Vitit të Ri nga PD-ja e Vulës
Jorida Tabaku

Të gjjtha këto mund të sjellin si pasojë copëtimin edhe të nën-grupit të Vulës që deri dje mbështeste Gazin (që i ka ndenjur gjithnjë korrekt Lulit).

Koha nuk pret. Në 15 Mars fillojnë rregjistrimet në KQZ dhe përgatitjet për betejën elektorale duhet të paraprihen nga përgatitjet për gjetjen e xhepit ku do futet vula.

Deri tani pretendentët janë 3:

Xhepi i Enkelejdit

Xhepi i Lulit (ku rri edhe Gazi) dhe

Xhepi i Joridës./ CNA.al





Lajmet e fundit nga