web counter
LEXO PA REKLAMA!

SHKARKO APP

App Store
Google Play

E fundit!

x

“Tregjet financiare janë të qeta”/ Guvernatori Sejko: Inflacioni kthehet në objektiv në gjysmën e parë të 2026-ës

1 Tetor 2025, 16:30, Ekonomi CNA

“Tregjet financiare janë të qeta”/ Guvernatori Sejko:

Guvernatori i Bankës së Shqipërisë, Gent Sejko zhvilloi sot një konferencë për shtyp mbi vendimmarrjen e normës bazë të interesit.

Në fjalën e tij, Sejko tha se nga të dhënat sipas analizës më të fundit të të dhënave makroekonomike rezulton se tregjet financiare janë të qeta.

Sejko shtoi se sipas parashikimeve, norma e inflacionit do të kthehet në objektivin e përcaktuar nga BSH në gjysmën e parë të vitit të ardhshëm.

Guvernatori përmendi edhe pasigurinë në sekton e jashtëm si një faktor rreziku për zhvillimin ekonomik të vendit.

 “Falë politikës monetare, tregjet financiare janë të qeta. Kushtet e financimet mbeten akomoduese, ndërsa financimi i sektorit privat vijon të zgjerohet më tej. Konsolidimi i politikave makroekonomike të brendshëm e të jashtëm ka forcuar stabilitetin e përgjithshëm të ekonomisë, duke krijuar baza për rritjen  e qëndrueshme të saj.

Parashikimet sugjerojnë rritje të mëtejshme të aktivitetit ekonomik dhe kthimin e inflacionit në objektiv të gjysmës së parë të vitit 2026. Pasiguria në sektorin e jashtëm mbetet faktor rreziku për zhvillimin në vend. Këshilli mbikëqyrës i BSh vlerëson se qëndrimi aktual i politikës monetare është i përshtatshëm për stabilitetin e çmimeve.

Ambienti akomodues financiar shënon rritje me 14%. Zgjerimi i portofolit të kredisë është diversifikuar në drejtim të përfituesve dhe të destinacionit të kredisë”,-tha Sejko./CNA





Lajmet e fundit nga