web counter
LEXO PA REKLAMA!

SHKARKO APP

App Store
Google Play

Sektori i Bujqësisë, me rënie/ Ibrahimaj: Do të vendosim fonde për zhvillimin e saj

30 Shtator 2025, 10:30, Ekonomi CNA

Sektori i Bujqësisë, me rënie/ Ibrahimaj: Do të vendosim

Ministrja e Ekonomisë dhe Inovacionit, Delina Ibrahimaj, ka bërë pasqyrën e zhvillimeve më të fundit ekonomike dhe piketat për më shumë rritje ekonomike, inovacion dhe përafrim me standardet europiane.

Ministrja theksoi se Bujqësia ka pësuar rënie dhe duhet të ketë një vëmendje të shtuar për këtë sektor.

Ibrahimaj tha se do të vendosen fonde për zhvillimin e saj të mëtejshëm.

“Kemi rënie të sektorit të bujqësisë dhe peshkimit, por bujqësia në terma nominalë është rritur me 2.62%.

Për bujqësinë do të kemi një vëmendje të shtuar. Në bujqësi do të vendosim fonde për zhvillimin e saj.

Kemi 250 milionë euro fonde nga banka për rritjen e kreditimit të këtij sektori.

Ky fond garanton një kredi me nivel maksimal në 3%.

I bashkuar me fondin e garancisë, niveli i interesit për investimin në bujqësi shkon në 2%.

Banka e Zhvillimit garanton që do të ketë një vijimësi të fondeve vendosur nga qeveria dhe vendet e huaja.

Industria në 3-mujorin e dytë të vitit ka qenë në rënie.

Është ndikuar nga aktiviteti i industrisë nxjerrëse. Kemi nënsektorë që kanë shfaqur rezultate pozitive.

Energjia ka pasur një performancë pozitive me 3.45%”, u shpreh Ibrahimaj./ CNA





Lajmet e fundit nga