web counter
LEXO PA REKLAMA!

SHKARKO APP

App Store
Google Play

Nga rritja e borxhit te temperaturat e larta/ Si lindi ideja e fashës 800 KW?

29 Nëntor 2022, 11:36, Ekonomi CNA

Nga rritja e borxhit te temperaturat e larta/ Si lindi ideja e fashës 800

Administratori i KESH-it, Ergys Verdho, lidhur me fashën e energjisë elektrike thotë janë realizuar pritshmëritë.

Sipas tij falë sensibilizimit u arrit që të kursehej 2 për qind e nivelit të konsumit të energjisë elektrike.

Në "MCN live" Verdho ka treguar se si lindi ideja e fashës 800 KW.

“Si doli ideja e fashës. Në gushtin e këtij viti doli si rezultat i një rritje borxhi, temperature të lartë, përdorimit të kondicionerëve. Po të rritet çmimi i energjisë elektrike do shkojë te një burim tjetër ngrohje, që është druri, gazi. Në 11 deri në 14 ne kemi reshje, dhe do kemi rritje të prurjeve nga 300 në 600-700. Ky është lajm i mirë. Në gusht konsumi ishte i lartë, shi nuk kishim. Fushata e sensibilizimit arriti qëllimin. Vetëm nga fushata e sensibilizimit kursyem 2 për qind të nivelit të konsumit. KESH-i ka arritur rekordin 35 për qind. Targeti është 15 për qind më pak konsum në institucione”, është shprehur ai.

Sa u përket kursimeve me dritat e rrugës në Tiranë, Verdho ka thënë se do të shkohet më gjoba në rast abuzimi.

“Masat që merren për administratorët energjisë që shteti ka vënë, administratorët do gjobiten ose do lënë punën. Ata do përpiqen si te Bashkia e Tiranës, si në çdo institucion tjetër, të kursejnë sa më shumë. Task Forca ka tagrin të merret me këtë punë”, ka thënë Verdho./CNA.al





Lajmet e fundit nga