“S’mund të luanim bixhoz!”/ Verdho tregon arsyet pse KESH-i importoi energji

29 Nëntor 2022, 11:21, Ekonomi CNA

“S’mund të luanim bixhoz!”/ Verdho tregon arsyet pse

Administratori i KESH-it, Ergys Verdho, ka deklaruar se institucioni që ai drejton ka menaxhuar në perfeksion situatën me reshjet në vend.

Sipas tij nuk ishte parashikuar që sasia e reshjeve do ishte dyfish më e lartë dhe vendimet janë marrë nga sekretariati dhe komisioni i plotave.

“Le të vijnë këto situata sepse edhe akuzat për keqmenaxhim ne i menaxhojmë, e rëndësishme është që Zoti të na sjellë prurje. Prurjet e javës së kaluar i dhanë një impuls rezervës energjetike, diku te 15 metra nga dita e fillimit të reshjeve. Menaxhimi i prurjeve është menaxhuar në perfeksion. Janë menaxhuar prurjet dhe janë shkarkuar vetëm 35 për qind e rezervës që vinte ndërkohë. KESH udhëhiqet nga një rregullore e mirëpërcaktuar që ka një sekretariat plotash dhe një komision plotash që mblidhet në rast emergjencash të tilla dhe merr vendime për hidrocentralet kur plotat janë të mëdha. Është mbledhur komisioni dhe ka vendosur që kuota e Komanit të mbahet e palëvizur deri në 175 metra mbi nivelit të detit, ajo e Vaut të Dejës 76. Të hënën e datës 15 ku ka filluar prodhimi me dy HEC-et e Komanit dhe Vaut të Dejës për të ulur nivelin e dy baseneve, për të mirëpritur reshjet e fundjavës. Komani është ulur deri në kuotën 176, dhe Vau i Dejës në 70, të mjaftueshme për të pritur reshje. Ato që ishin parashikuar të ishin 200 mm, erdhën 400 mm, nuk e blejmë dot Zotin!”, ka thënë ai në "MCN Live".

Verdho u është përgjigjur akuzave për keqmenaxhim, duke thëne se KESH-i ishte i detyruar të importonte pasi s’mund të luante bixhoz.

“Menaxhimi i eksporteve vjen për të menaxhuar më mirë ujin. Është hapur një procedurë të premten në datë 17, për të përmbledhur fundjavën, një tjetër të hënën në datë 21, ku ka përmbledhur energjinë e natës, edhe një të mërkurën, për të përmbledhur të shtunën, të hënën, të martën. Ne kemi marrë një çmim 285 euro megavat orë, kur bursat kanë qenë 10 euro mbi këtij çmimi. Shumë i akuzuar për keqmeanxhim, ‘ke importuar kur e dije që do vinin reshje!’. Flasim për 11 nëntorin, kur marrim një program nga OSHEE që na thuhet na duhet energji për javën tjetër. Të ndodhur në këto kushte, me parashikime për 50 mm shi, ti do dalësh në import sepse siguron vendin me energji elektrike. Nuk mund të luajë bixhoz KESH-i. Nëse s’do importonim rezerva energjetike do zbriste në 380. Në rast se reshjet nuk ndodhnin, do përballeshim me kolaps dhe do akuzoheshim. Kjo është hip se të vrava, zbrit se të vrava! Drini ka një hartë përmbytjesh. Kjo sot është e banuar. Është 10 mijë hektarë. Harta e përmbytjes sot ishte 1 mijë e ca hektarë. Në kohën kur qeveriste PD ishte 26 mijë hektarë. Kush është mirëmenaxhim dhe keqmenaxhim i mbetet një eksperti të energjisë për ta vlerësuar”.

I pyetur sa është borxhi i ndërmarrjeve shtetërore ndaj KESH-it, Verdho thotë se s’ka shifra, por institucionet më problematike janë OSHEE dhe Ujësjellësit./CNA.al