web counter
LEXO PA REKLAMA!

SHKARKO APP

App Store
Google Play

"Anëtarësimi në SEPA, gur themeli drejt integrimit"/ Sejko: 11 banka, gati të ofrojnë shërbimet

7 Tetor 2025, 12:12, Ekonomi CNA

"Anëtarësimi në SEPA, gur themeli drejt integrimit"/

Guvernatori i Bankës së Shqipërisë, Gent Sejko, në ceremoninë e prezantimit të transaksioneve në SEPA, deklaroi se nga sot do të bëhet transaksioni i parë në euro përmes zonës unike SEPA.

Sejko tha se ky është një gur themeli drejt integrimit të Shqipërisë në Bashkimin Europian.

Guvernatori tha se sot 11 bankat në Shqipëri janë gati të ofrojnë shërbimet SEPA.  

 

"Sot për ne është një ditë e veçantë pasi jemi dëshmitarë të një momenti historik për tregun financiar shqiptar, nisjen e transaksionit të parë në euro përmes zonës unike të pagesave në euro të quajtur SEPA. Ky nuk është një zhvillim teknik në sistemet e pagesave, por është një gur themeli në rrugën e Shqipërisë drejt integrimit në infrastrukturën financiare europiane. Anëtarësimi i Shqipërisë në SEPA ka qenë rezultat i një procesi të strukturuar, ku BSH dhe bankat e nivelit të dytë dhe institucionet financiare kanë punuar me përkushtim për të përmbushur kërkesat teknike, ligjore dhe rregullatore të nevojshme. Sot 11 bankat në Shqipëri janë gati të ofrojnë shërbimet SEPA. Ky moment nuk është fryt i rastësisë, por rezultat i një rrugëtimi shumëvjeçar të BSH dhe institucioneve financiare që kanë punuar hap pas hapi”, tha Sejko./CNA

 

 

 

 

 





08:45 Ekonomi

Harrojeni rrezikun

Dëshironi kthime më të mira? Përqendrohuni te frika. Një s...

Lajmet e fundit nga