web counter
LEXO PA REKLAMA!

SHKARKO APP

App Store
Google Play

Nisin transaksionet në SEPA/ Gonzato: BE mbështet financiarisht reformën, duhet të përfitojnë të gjithë

7 Tetor 2025, 11:29, Ekonomi CNA

Nisin transaksionet në SEPA/ Gonzato: BE mbështet financiarisht

Nga sot institucionet bankare dhe ato të pagesave në Shqipëri do të kryejnë transaksionet e para në SEPA.

I pranishëm në konferencë me guvernatorin e Bankës së Shqipërisë, Gent Sejko, ambasadori i BE-së në Tiranë, Silvio Gonzato, i cili tha se kjo do të sjellë lehtësira për qytetarët shqiptarë, por edhe për turistët apo për transaksionet tregtare.

Gonzato tha se duhen bërë ndryshime ligjore dhe reforma do të mbështet nga BE dhe financiarisht.

"Sot është një ditë shumë e rëndësishme sepse qytetarët janë të barabartë. Do të ketë rezultate konkrete dhe kjo tregon se BE i mban premtimet.

Qytetarët shqiptarë do të kursejnë kohë dhe para me dërgesat, por edhe turistët do të ndihen si në shtëpinë e tyre.

Tregtia nga Shqipëria, por edhe drejt Shqipërisë do të përmirësohet.

Kjo kërkon ndryshime në sistemin ligjor, BE-ja e mbështet financiarisht këtë reformë.

Nuk duhet të përfitojnë vetëm një pakicë, por të gjitha kategoritë. Duhet konvergjencë me ligjet e BE-së dhe një treg më i ngushtë, ndaj duhen përpjekje më të mëdha për integrimin në BE. Pas kësaj BE do të gjenerojë fonde shtesë", deklaroi Gonzato./CNA

 





08:45 Ekonomi

Harrojeni rrezikun

Dëshironi kthime më të mira? Përqendrohuni te frika. Një s...

Lajmet e fundit nga