E fundit!

08:16 Kosova & Bota

Parlamenti i Hungarisë voton për shkarkimin e presidentit nga detyra

Parlamenti i Hungarisë ka miratuar shkarkimin e Presidenti...

Skandali me Reformën Territoriale/ Jorida Tabaku zgjedh ekspert fotografin e saj

5 Prill 2026, 13:59, Denoncim CNA

Partia Socialiste dhe Demokratike janë ulur në diskutime për ndryshimet në Reformën Administrativo-Territoriale, ndryshime për të cilat siç dihet është krijuar dhe Komisioni i Posaçëm.

Në këtë komision pritet një angazhim i madh nga opozita, serioz dhe për faktin se në Reformën Territoriale të vitit 2015 nuk mori pjesë. Gjithashtu pritet angazhim i madh dhe për faktin se reforma territoriale është një ndikuese direkte në rezultatin e zgjedhjeve parlamentare.

Pritet angazhim opozitar dhe për faktin se opozita duhet të tregojë vullnetin që është në shërbim të qyteëtarëve. Pra të çojë më shumë shërbime afër qytetarit, të kemi një reformë territoriale që të japë më shumë decentralizim, pavarësi për puhstetin vendor se sa një reformë që çon çdo kontrol të puhstetit vendor te kryeministri.

Vjen mesazhi i parë

Opozita duket që e ka marrë “shumë seriozisht” Reformën Administrativo-Territoriale, tek e cila nuk mori pjesë 11 vite më parë. CNA ka mësuar se opozita ka zgjedhur ekspert teknik për financat të Komisionit të Posaçëm Parlamentar për Reformën Administrativo-Territoriale, fotografin e Jorida Tabakut.

Personi që shihni në foton më poshtë është Xhodi Hysa, fotografi i deputetes së Partisë Demokratike, Jorida Tabaku. Asgjë më shumë se sa kaq.

Skandali me Reformën Territoriale/ Jorida Tabaku zgjedh ekspert fotografin

Xhodi Hysa

Dhe tani opozita na e ofron si ekspert të reformës territoriale.

Jorida Tabaku dhe Xhodi Hysa

Siç shihet dhe në dokumentin e mëposhtëm të siguruar nga CNA, emri i Xhodi Hysës është në listën e një nga ekspertëve teknikë të Komisionit të Reformës Territoriale.

Dokumenti i siguruar nga CNA

Sipas dokumentit të siguruar nga CNA, shihet Xhodi Hysa është emëruar ekspert teknik në Komisionin e Posaçëm Parlamentar për Reformën Administrativo-Territoriale, për një periudhë katërmujore, duke nisur nga shkurti i vitit 2026 deri në muajin maj të po këtij viti.

Detyrat e ekspertit, sipas dokumentit që CNA ka siguruar, janë të kryejë analizë të thelluar ligjore, të analizojë ndarjen aktuale administrativo-territoriale apo të përgatisin një raport përfundimtar.

Detyrat e ekspertëve, sipas dokumentit të siguruar nga CNA

A mundet fotografi të jetë ekspert? Po patjetër, fotografi është ekspert që ta nxjerrë Joridën bukur, t’i publikojë fotot në “Instagram” apo në rrjetet e tjera sociale. Të krijë një imazh për deputeten Tabaku. Por fotografi i Tabakut nuk mund të jetë ekspert teknik i reformës administrative-territoriale.

Ky veprim vjen për të paguar shërbimin, sepse ekspertët e jashtëm mirëpaguhen nga Parlamenti. Dhe Jorida Tabaku ka zgjedhur fotografin e saj ta shpërblejë. Ndërkohë që shqiptarët presin një Reformë Administrativo-Territoriale jo vetëm serioze, por që të kthejë sado pak pushtet në duart e tyre në bashki, apo në njësitë administrative, opozita ka gjithë “seriozitetin” e duhur për këtë reformë. Aq “seriozitet” i kushton opozita kësaj reforme, sa vendos një fotograf, atë që Jorida Tabaku e mban për të bërë foto si “pjeshkë serioze” dhe kaq.

Kjo është Reforma Administrativo-Territoriale që po na ofron opozita, se ata të qeverisë dihet se çfarë do ofrojnë. Mund të kishte pak shpresë te Partia Demokratike, tek opozita, por me sa duket dhe opozita ka të tjera halle. Ka hallin e fotografëve, shoferave, rojeve, pastrueseve, Instagram-rave, Facebooke-ve. Nuk ka hall opozita t’iu shërbejë qytetarëve me ekspertë të vërtetë që mund t’i sjellin pushtetit vendor vlera. Jorida është një shembull i përsëritur i “budallallëkut” opozitar që fillon dhe nuk mbaron kurrë./CNA