E fundit!

11:00 Aktualitet

Vijojnë përplasjet në kantierin e aeroportit të Vlorës/ Kërkohet ndërhyrja e policisë, reagon Behgjet Pacolli

Vazhdojnë tensionet në kantierin e aeroportit të Vlorës. P...

Në dimër acar, në verë përvëlim/ Urbanet e Tiranës si “karroca e Dylit”

5 Korrik 2023, 20:30, Denoncim Xhovan Shyti

Në dimër acar, në verë përvëlim/ Urbanet e

Të udhëtosh me autobusët e shërbimit urban brendakryeqytetas në këto ditë të nxehta vere është një torturë e vërtetë. Jo aq për vijimin ende të vonesave të mbërritje-nisjeve nëpër stacione, punëprishëse kjo për udhëtarët që shkojnë në punë, sesa për rikthimin e avazit të vjetër të mungesës së kushteve brenda urbaneve.

Do të mjaftonte një inspektim brenda autobusëve që mbulojnë më shumë se 20 linjat e transportit publik urban të Tiranës, për të konstatuar se edhe pse kanë kaluar disa dekada, kushtet që ofron ky shërbim janë pak a shumë të njëjta. Me ndryshime në fasadën e jashtme të një pjese të autobusëve të linjave.

Në dimër acar, në verë përvëlim/ Urbanet e

Të frekuentosh transportin urban brendakryeqytetas në verë është njësoj si të jesh brenda një furre hermetike. Pa sistem funksional ajri të kondicionuar, pa dritare, hapja e të cilave mund të të dhurojë ca freski natyrale. E tillë paraqitet gjendja e pjesës sunduese të kushteve që ndesh ndër urbanët e linjave ku vapa përvëluese dhe ajri i rënduar nga djersitja tej normales e bëjnë të padurueshëm udhëtimin.

Në dimër acar, në verë përvëlim/ Urbanet e

“Më shumë djersë nxjerr kur jam në autobus se sa kur ec në këmbë”, pohon i nervozuar Leart V., një inxhinier, të cilit, për hatër të largësisë së vendit të punës, i duhet të udhëtojë për çdo ditë me urbanët e linjës “Stacioni i Trenit - Parku Zoologjik”. Një linjë kjo që mbulohet nga një flotë autobusash tejet të amortizuar, motorët e të cilëve duket sikur, nga çasti në çast, do pushojnë së punuari. Të ndezësh kondicionerët brenda kabinës së udhëtarëve të këtyre autobusave do të thotë të mbjellësh djegien e sigurt të motorëve, që edhe pa ndezjen e sistemit të kondicionimit gulçojnë nga vapa. Por copë-copë janë dhe kushtet e ulëseve të udhëtarëve. E gjithë flota e autobusëve të kësaj linje është në këtë parametër vjetërsie.

Në dimër acar, në verë përvëlim/ Urbanet e

Por kjo nuk është linja e vetme e transportit urban brendakryeqytetas që ofron torturën e udhëtimit midis vapës e djersës. Duke përjashtuar veç pak linja që mbulohen prej urbanësh të cilësishëm, pjesa dërrmuese janë të ngjashme me flotën e “Zoologjikut”. Madje ka edhe më keq. Ka dhe autobusë urbanë që së jashtmi e së brendshmi të sjellin në kujtesë proverbialen “karrocë të Dylit”. Shihni flotën e autobusëve të linjës së Laprakës. Apo atë të linjës “Jordan Misja-Qyteti Studenti”, e të tjera që mbulojnë zonat rrethqytetëse. Më zi nuk ka. Autobusët që shërbejnë në këto linja janë të tipit “buburrecë të gjymtuar”. Me motorë që zhurmojnë e tymosin për qamet. Që ofrojnë ulëse demode dhe mungesën e kondicionerëve e plotësojnë duke lënë hapur xhamat e dritareve tip “frengji” etj., etj..

Në dimër acar, në verë përvëlim/ Urbanet e

Këto janë antiteza e tejskajshme e flotës së autobusëve urbanë të disa linjave kryesore, ku sundon standardi i gjendjes fizike, por jo ai i shërbimit ndaj udhëtarëve. Ngaqë, ndonëse kondicionerët janë në funksion, nuk vihen në punë për shkak të kursimit të karburantit. Sepse nëse aparatet e kondicionimit qëndrojnë ndezur, harxhimi i naftës gati dyfishohet. Ndonëse këtë “humbje” Bashkia ua kompenson kompanive të shërbimit të transportit urban, me fonde të dala nga pagesat e udhëtarëve, kushtet komode sfidohen nga mbajtja fikur e kondicionerëve, për të cilët përfaqësuesit e kompanive fajësojnë shoferët.

Në dimër acar, në verë përvëlim/ Urbanet e

“Ju keni plotësisht të drejtë, por vapa vjen ngaqë ka shoferë që i shmangin porositë tona dhe për të kursyer naftën nuk e lëshojnë ajrin e kondicionuar. Gjithë flotën e autobusëve ne si kompani e kemi të re. Ofrojmë kushtet që na dikton ligji. S’di ç'të them për të tjerët”, përgjigjet Gëzim P., menaxher i një ndër linjave kryesore të kryeqytetit, flota e autobusëve të së cilës vërtet të ngjall zili.

Dhe ja ku dolëm te problemi. Te mungesa e kushteve të udhëtimit. Te mungesa e ulëseve, e kondicionerëve, që sigurojnë në dimër ajër të ngrohtë dhe në verë ajër të freskët… Që për pjesën dërrmuese të linjave kryeqytetase e veçanërisht atyre rrethkryeqytetase ka mbetur e njëjtë si në kohën e “karrocës së Dylit”. Duke ua bërë ferr udhëtimin qytetarëve të Tiranës. Madje, duke i’a bërë të mezishtytshëm shërbimin edhe vetë punonjësve që e ofrojnë atë (fatorinos e shoferit). Më guximtarët prej të cilëve nuk ngurrojnë ta derdhin hapur pakënaqësinë.

Në dimër acar, në verë përvëlim/ Urbanet e

“Po lale, jam me ty. Ke të drejtë. Por ne s'kena gjë në dorë. Ti e sheh vetë. Copë-copë motori. Kena fryk me i ndez kondicionerët se po e bona shko për lesh motorin. Ça t’bojm, me ble makina të reja, s’dun me harxhu kta bosat tanë? Xhelal B. dhe Gentjan L.. shërbejnë si fatorino dhe shofer, në një nga autobusët copë-copë të një linje urbane dytësore. Të dy janë ndër buzëplasurit, ngaqë për mosplotësimin e kushteve u duhet të përballojnë dhe përplasjet me udhëtarët, të cilëve, u japin të drejtë, por dhe u rekomandojnë t'i telefonojnë Bashkisë në 0684061277, që është i ankesave të qytetarëve.

Këtë kemi në dorë ne, pjesën tjetër të zgjidhjes e ka Bashkia”, të thonë shërbestarët e linjës urbane dytësore të llojit copë-copë. Sepse vërtet në të tilla shkelje kushtesh të kontratës, nga ana e kompanive, e drejta për të rivendosur ligjin është në dorë të Bashkisë që i pajis me licenca këto të fundit. Sipas ligjit, ndër kushtet që duhet të plotësojë një kompani për t'u licencuar është dhe ajo e komoditetit të udhëtimit që krahas detyrimeve të tjera përmban dhe pajisjen e autobusëve me sisteme ventilimi funksionale.

”Të jenë të pajisur me sistem ventilimi dhe ngrohje konform atyre të parashikuar për tipin përkatës nga uzina prodhuese dhe në gjendje pune”, lexohet në nenin 7 të ligjit Nr. 1649 “Mbi plotësimin e disa kushteve të veçanta në transportin rrugor të udhëtarëve”.