LEXO PA REKLAMA!

SHKARKO APP

Me probleme ligjore/ Studenti pranohet në Akademinë e Sigurisë

10 Nëntor 2022, 22:55, Denoncim CNA

Me probleme ligjore/ Studenti pranohet në Akademinë e Sigurisë

Një qytetar, i cili kërkon të mbetet anonim, na tregon se në Akademinë e Sigurisë është pranuar një student, që nuk përmbush kriterin e pastërtisë së figurës, një detyrim ky ligjor. Ne sjellim në kujtesë rastet e trajtuara, kur studentë të shkëlqyer, nuk janë pranuar në Akademinë e Sigurisë edhe për probleme të kushërinjve.

Ne shkuam në Vlorë, ku Shezair Hysenaj, studenti që banon në Selenicë, ka probleme me figurën, pasi vëllai dhe xhaxhai i tij janë dënuar me vendim të formës së prerë për trafik narkotikësh.

Si ka mundur ta kalojë personi në fjalë këtë pengesë?

“Stop” ka mësuar se Shezair Hysenaj fillimisht ka transferuar gjendjen civile nga Vlora në Fier në vitin 2020, pasi në 2018-ën ai ka tentuar dy herë të depërtojë në radhët e policisë, njëherë si polic burgu dhe një herë tjetër në Komisariatin e Vlorës.

Kreu i Sindikatës së Policëve, Sadedin Fishta, shpjegon se është vepër penale për punonjësit e policisë të cilët kanë dhënë vendim pozitiv mbi kandidatin, që nuk përmbush kushtin e pastërtisë së figurës.

Me probleme ligjore/ Studenti pranohet në Akademinë e Sigurisë

“Pastërtia e figurës ka të bëjë jo vetëm me aktivitetin e kandidatit deri në atë moshë në të cilën ai ka konkurruar dhe ka bërë kërkesë për t’u pranuar në radhët e Policisë, por ka të bëjë edhe me të gjithë rrethin e tij shoqëror, familjar, i cili ka përfituar, ose është marrë me këtë aktivitet. Rreth familjar janë vëllezërit, motrat, prindërit, për të cilat, strukturat e veçanta që ka Policia e Shtetit do të shprehen, edhe për këtë lloj aktiviteti nëse ka. Kjo i vë dhe kapakun përfundimtar nëse ky punonjës, ky kandidat duhet të vazhdojë detyrën në Policinë e Shtetit, apo duhet të qëndrojë jashtë saj. Sepse kjo kategori që futet në polici, duke pasur edhe elementë të tjerë brenda familjes, të inkriminuar, detyrimisht që këta janë dhe nesër kontigjentët e ardhshëm, që do të bashkëpunojnë me krimin, me elementë kriminalë, grupe kriminale dhe që do ta kenë thikë pas shpine edhe kolegët e tij, nesër gjatë ushtrimit të detyrës. Futja e një personi i cili në një informacion të dytë, vërteton që ky, pjesëtarë të familjes apo vetë, ka qenë i inkriminuar është një vepër penale për personat që kanë dhënë informacion të kundërt për atë që është në realitet. Për këtë, vetë strukturat e posaçme, siç është Agjencia e Mbikëqyrjes Policore që ka shumë drejtori që kanë mundësi të marrin e të japin informacionet e nevojshme për raste të tilla dhe të ushtrojnë pastaj edhe ligjin ndaj personave të cilët ata kanë shpërdoruar detyrën”, tha Fishta./tvklan.al

Lajmet e fundit nga