LEXO PA REKLAMA!

SHKARKO APP

“Fitove 5 milionë euro”/ "Fiks Fare" “kap” afrikanët që mashtrojnë të moshuarit në internet

2 Nëntor 2022, 21:20, Denoncim CNA

“Fitove 5 milionë euro”/ "Fiks Fare"

Një 75-vjeçar nga Librazhdi u ankua në redaksinë e "Fiks Fare" se disa persona e kanë kontaktuar në rrjete sociale se “kishte fituar 5 milionë euro”. Megjithëse, i moshuari s’kishte marrë pjesë në ndonjë lotari!

I moshuari tregoi për kamerën e "Fiks Fare" se dikush i ka shkruar në rrjetin “Whatsapp” se kishte fituar 5 milionë euro në një lotari. Personi nga ana tjetër e telefonit i ishte prezantuar si përfaqësues i një firme, e cila do të ndante paratë. Por, për disbursimin e kësaj shume, ai duhet të paguante 170 euro komision. Këto para duhet t'i dërgonte te persona të ndryshëm, të cilët ua dërgonte personi. Ai i shkruante për mënyrën e pagesës dhe “se jemi vonë”, “duhet dërguar se përndryshe digjet pagesa”, etj, etj.

“Fitove 5 milionë euro”/ "Fiks Fare"

"Fiksi" kontrolloi për numrin e telefonit, i cili rezultonte se ishte në shtetin e Beninit, Afrikë. Gazetarët i kërkojnë të hapë telefonin, pasi “jemi te pika e transfertave”. Në fillim ai nuk e hap telefonin, ndërsa pas insistimit pranon ta hapë dhe thotë “përshëndesho”. Por, gjuha nuk i kuptohet dhe e mbyll. "Fiksi" tenton sërish të komunikojë dhe pas insistimeve ai e hap sërish dhe i thotë “jam nga Franca”. Por, kur pyetet se numri del në Benin, ai e mbyll telefonatën.

"Fiks Fare" ka denoncuar në vijimësi këto skema mashtrimi. Ky është rasti i tretë, ku rasti i parë ishte e një qytetareje nga Mamurrasi, e cila kishte paguar mbi 300 euro pasi “dikush do t'i dhuronte pasurinë se po vdiste”. Ndërkohë, rasti i dytë ishte në Vlorë, ku një 65-vjeçar kishte paguar një shumë prej 20 mijë eurosh pasi “dikush po vdiste dhe donte të dhuronte pasurinë”.

“Fitove 5 milionë euro”/ "Fiks Fare"

Sipas ekspertit, Tomi Kallanxhi, skema të tilla janë mashtrimi dhe askush s’të fal para! Ndërkohë, thirrje të vazhdueshme ka bërë edhe Policia e Shtetit, e cila e ka të pamundur që të identifikojë raste të tilla./ tch

“Fitove 5 milionë euro”/ "Fiks Fare"

“Fitove 5 milionë euro”/ "Fiks Fare"

“Fitove 5 milionë euro”/ "Fiks Fare"

“Fitove 5 milionë euro”/ "Fiks Fare"

Lajmet e fundit nga