web counter
LEXO PA REKLAMA!

SHKARKO APP

App Store
Google Play

E fundit!

x

"Fiks Fare" zbulon skemën e mashtrimit me subvencionet/ Veterinerët rimatrikullojnë të njëjtët krerë, fitimet ndahen në gjysmë

1 Nëntor 2022, 21:01, Denoncim CNA
"Fiks Fare" zbulon skemën e mashtrimit me subvencionet/
Emisioni "Fiks Fare"

Emisioni "Fiks Fare" sjell një rast abuzimi në Karavasta të Divjakës, ku veterineri shet matrikuj për të rritur në mënyrë artificiale numrin e krerëve në tufa, që blerësit e tyre të përfitojnë sa më shumë para nga subvencionet.

Fitimet e marra pa të drejtë nga subvencionimi ndahen mes punonjësve të shtetit dhe blegtorëve. Por çfarë parashikon skema e subvencioneve nga ana e shtetit për vitin 2022?

“Për tufën bazë të matrikulluar (kafshët riprodhuese), për fermat me jo më pak se 100 (njëqind) krerë dele dhe/ose dhi, në vlerën 1 200 (një mijë e dyqind) lekë/krerë, por jo më shumë se 360 000 (treqind e gjashtëdhjetë mijë) lekë për subjekt, ndërsa për fermat me jo më pak se 10 (dhjetë) krerë lopë, në vlerën 10 000 (dhjetë mijë) lekë/krerë, por jo më shumë se 500 000 (pesëqind mijë) lekë për subjekt.”

Por si ka ndodhur zhvatja e parave nga skema e subvencionit?

Blegtori në fshatin Karavasta të Divjakës pasi ka përfituar nga shteti subvencionin për 300 kokë dele, bagëtitë e tij i ka shpërndarë në dy blegtorë të tjerë në mënyrë që të merrnin para më shumë nga subvencioni. Pavarësisht se në realitet dy blegtorët e tjerë kanë përkatësisht 90 dele i pari dhe 150 i dyti do të përfitonin subvencion për 150  dhe 300 dele.

Bashkëpunëtorët e Fiksit numërojnë krerët e bagëtive. Në total 3 tufat  e blegtorëve Seladin Biçakut, Fabian Biçakut dhe Juliana Derkës  sëbashku kanë  590 krerë. Ndërkohë përfitojnë nga subvencioni për 750 krerë.

Tufa e Seladin Biçakut e subvencionuar e para, i hiqen matrikujt dhe i rivendosen matrikuj të tjerë, gati 60 krerë për Fabianin dhe 100 për Julianën.

Fiksi shkon në tufën e Seladinit ai nuk i lejon bashkëpunëtorët ta shohin, madje kur e takojnë në fshat u thotë se ka 400 krerë. Ndërkohë është subvencionuar për 300 krerë, duke u përpjekur të justifikojë atë që do deklarojë. Ndërsa Juliana thotë ka 100 krerë të Seladinit dhe tufën e saj prej 200 krerësh.

Ndërsa Fabiani deklaron se ka 150 krerë. Por i pyetur se sa krerë ka Seladini nuk pranon të tregojë, edhe pse tufat e tyre janë në stallat ngjitur.

Bashkëpunëtorët e "Fiksit" takojnë veterinerin e shërbimit Halit Roçi, i cili pranon se e ka bërë këtë gjë për Julianën,  pra ka marrë dele nga tufa tjetër për t’i rimatrikulluar. Madje i kërkon bashkëpunëtorit të "Fiksit" pagesë, në këmbim për t’i dhënë matrikuj që të rrisë artificialisht tufën për të përfituar edhe bashkëpunëtori i "Fiksit" më shumë para nga subvencioni që jep shteti. Ai kërkon për 100 matrikuj 70 mijë lekë të vjetra,  ndërkohë blektori do marrë 1milion e 200 mijë lekë subvencion.  Por mashtrimi shtrihet edhe më tej kur i kërkon bashkëpunëtorit të Fiksit të takojë punonjësin e AZHBR për Lushnjën  dhe t’i japë  edhe atij   400-600 mijë lekë për t’i bërë subvencion.

Pra  blegtori paguan gati  gjysmën e parave që do marri, për 100 krerë fiktive do japë gati 600 mijë lekë, ndërkohë  për vete fiton 600 të tjera. Gjithashtu veterineri  thotë se këto skema mashtrimi me subvecionet i kanë bërë në  bashkëpunim  edhe me veterinerë të tjerë duke plotësuar dokumente fiktive sikur kanë bërë edhe vaksinat e brucelozës duke ja ofruar edhe bashkëpunëtorit të Fiksit. E vetmja pengesë që ju ka hapur probleme ka qenë një veteriner kontrolli i Lushnj?7s dhe Divjakës  z.Zabit Liço. Gazetarët e Fiksit takojnë  z.Zabit Liço , veterinerin e shërbimit. Ai thotë se  ka dashur të zbatojë ligjin dhe se kur ka vajtur te Juljana ka gjetur 200 krerë,  por kur rivajti ka gjetur edhe  100 krerë  të tjera të matrikuluara.  Ai pohon se  përgjegjësi për matrikullimin mban veterineri i shërbimit, pasi duhet t’i shoh mirë kafshët që matrikulon nëse kanë qenë apo jo më para të matrikuluara.

Zabit Liço, pavarësisht se është  i rezervuar me gazetarët, pranon se veterineri tjetër ka bërë shkelje.

Bashkëpunëtorët e Fiksit shkojnë te punonjësja e sistemit “Ruda” e cila hedh të dhënat në sistem mbi numrin real të krerëve që firmosë veterineri i shërbimit.

Kur Fiksi e pyet mbi numrin e krerëve të tufave, ajo shmang çdo përgjegjësi duke u shprehur se nujk e di  se çfarë bëhet në terren!/ tch





Lajmet e fundit nga