web counter
LEXO PA REKLAMA!

SHKARKO APP

App Store
Google Play

E fundit!

x

Kush është drejtori hajdut i Veliajt që po del në skenë

10 Qershor 2024, 12:44, Denoncim CNA

Drejtuesi i PD-së për Tiranën, Belind Këlliçi, ka denoncuar një tjetër drejtor të kryebashkiakut të Tiranës, Erion Veliaj, të cilin e quan hajdutin e radhës.

Këlliçi tha se Arli Naska, drejtori i Agjencisë së Mbrojtjes së Konsumatorit, është hajduti më i pasur ndër drejtorët e Veliajt.

Ai theksoi se Naska ka dalë në skenë duke gjobitur me 300 mijë lekë aktivisten e Aleancës për Mbrojtjen e Teatrit, Adriana Kalaja. (Lexo këtu)

“Për 11 protesta me radhë kemi denoncuar jo vetëm për Erion Veliajn, por edhe për bandën e tij. Ka 3 drejtorë në burg, së bashku kanë vjedhur qytetarët, Taulant Tulla, Redi Molla, Erjon Rrapaj, Ermal Kapllani, Arben Maloku, hajdutin më të madh që kemi parë ndonjëherë.

Të gjithë këta së bashku kanë vjedhur e vijojnë të vjedhin përditë qytetarët. Këtë javë kemi parë një hajdut tjetër të ngrejë kokën.

Kush është drejtori hajdut i Veliajt që po del në skenë
Drejtuesi i PD-së për Tiranën, Belind Këlliçi

Ndërkohë qe ne prisnim të gjithë si qytetarë të Tiranës, një shenjë falënderimi për Aleancën për Mbrojtjen e Teatrit, që vijon thuajse prej shtatë vitesh një protestë për një kauzë të drejtë, për teatrin që të ngrihet aty ku ishte edhe ashtu siç ishte, dhe Aleanca vijon të protestojë për kauzë qytetare, çfarë ndodhi?!

Hajduti më i pasur në Bashkinë e Tiranës, gjobaxhiu nr. 1 i Bashkisë së Tiranës, Arli Naska, ish-drejtor i Tatimeve në Bashkinë Tiranë, aktualisht drejtor në Agjencinë e Mbrojtjes së Konsumatorit, merr kurajën me një akt të turpshëm të gjobisë Aleancën për Mbrojtjen e Teatrit dhe avokaten e Aleancës, Adriana Kalaja.

Dhe për çfarë?! Se qenka prishur godina e fasadës së hajdutit që quhet Erion Veliaj!

Kush është drejtori hajdut i Veliajt që po del në skenë
Avokatja Adriana Kalaja, foto e marrë nga PD

Janë shqetësuar dhe kanë vendosur një gjobë 300 mijë lekë ndaj Aleancës dhe nuk shqetësohet Arli Naska dhe Erion Veliaj se janë vjedhur 132 milionë euro tek inceneratori i Tiranës dhe të paktën, përmes 45 tenderëve, 30 milionë euro me bandën '5D'.

I bëjmë thirrje Altin Dumanit, ca pret më, edhe Dritan Prençit, ne kemi depozituar me fakte vjedhjet e Veliajt dhe duam të dimë përse ju nuk hetoni, pse nuk zbatoni ligjin, për të gjitha aferat që ne kemi denoncuar.

Nëse mendoni se do të lodhemi e keni gabim, ne do t'u tregojmë qytetarëve se ça vidhni, pse, dhe do t'ua çjerrim maskën hajdutëve dhe bandës që vjedhin shqiptarët”, nënvizoi Këlliçi./ CNA





Lajmet e fundit nga