E fundit!

11:13 Aktualitet

Eskortat e burgjeve në protestë/ Dalin emrat “VIP” që mbështesin tubimin

Prej disa ditësh, një valë e re protestash ka nisur duke m...

Fiks Fare/ Pazar edhe me të pajetët, vazhdon shitja e vendeve të varreve në Durrës

5 Qershor 2023, 21:28, Denoncim CNA

Fiks Fare/ Pazar edhe me të pajetët, vazhdon shitja e vendeve të

Pak javë më parë emisioni Fiks Fare solli një investigim mbi mënyrën sesi blihej një vend varri në varrezat e Durrësit, tekniku i kësaj ndërmarrje rezervoi një vend varri me të dhënat që bashkëpunëtorja e Fiksit i nisi kundrejt parave, duke betonizuar dhe vendosur një pllakë.

Por menjëherë pas transmetimit të kësaj kronike punonjësi që mori paratë u arrestua.

Fiks Fare/ Pazar edhe me të pajetët, vazhdon shitja e vendeve të

Por arrestimi i tij nuk frikësojë njeri, pasi e njëjta skemë vazhdon sërish. Gazetarët e Fiksit sjellin fakte të reja për shitjen e vendeve të varreve po në varrezat e Durrësit.

Këtë herë përgjegjësi akuzon ish teknikun që u arrestua pas kronikës së Fiksit për këtë problematikë, por gazetarët sollën raste të ruajtjes së vendeve edhe pasi dikush shkoi pas hekurave.

Fiks Fare/ Pazar edhe me të pajetët, vazhdon shitja e vendeve të

Gazetarët sollën disa raste varresh të rezervuara apo ruajtura. Madje dy prej tyre mbanin emrin e të njëjtit person dhe datën e vdekjes të njëjtë, njëri ishte varri real, tjetri i betonizuar por bosh. Dhjetëra raste të ngjashme gjendeshin vetëm në një parcelë ku gazetarët ndaluan. Vend në të cilin më përpara ishin bërë video nga qytetari , i cili me një shtizë hekuri faktonte varrezat reale dhe ato fiktive.

Fiks Fare/ Pazar edhe me të pajetët, vazhdon shitja e vendeve të

Për këtë arsye gazetarët kërkuan një përgjigje te përgjegjësi i varrezave i cili për çdo gjë fajësonte personin që Fiksi nxori duke marrë ryshfet për të rezervuar vend varri dhe përfundoi në burg.

Madje përgjegjësi tregon se me ikjen e tij kanë filluar edhe të prishen ato varre që janë të rezervuara, por gazetarët e Fiksit faktuan të kundërtën duke i vënë në dispozicion përgjegjësit video ku dukeshin varre të rezervuara pas datës 4 prill, datë në të cilin u arrestua edhe tekniku. Por në këtë rast përgjegjësi nuk ka përgjigje, ai thotë se këtë e ka bërë një firmë private./ tch

Fiks Fare/ Pazar edhe me të pajetët, vazhdon shitja e vendeve të