LEXO PA REKLAMA!

SHKARKO APP

“RTSH i vjedh autorësinë e këngës”/ Saimir Çili: Do të përballemi në Gjykatë...

30 Maj 2023, 19:53, Denoncim CNA
“RTSH i vjedh autorësinë e këngës”/ Saimir
Kompozitori Saimir Çili

Kompozitori Saimir Çili ka bërë ditën e sotme një denoncim ndaj Radio Televizionit Shqiptar, në lidhje me këngën e tij “Yjet e Shpresës”.

Me anë të një statusi në rrjetet sociale, Çili tregon se RTSH i ka vjedhur autorësinë e kësaj kënge, që e ka kënduar në vitin 1997 me Eneda Tarifën në Festivalin e Këngës.

Ai deklaron se është skandaloze që RTSH po i merr të ardhurat nga “Youtube” pa asnjë kontratë të shkruar dhe firmosur.

Kompozitori tregon se këngën e publikoi në kanalin e tij, por RTSH ia bllokoi për të drejta autori. Për këtë arsye, ai i bën thirrje Televizionit Publik Shqiptar që t’i zhbllokojë videon dhe t’i japë të ardhurat e fituara nga “Youtube”, në të kundërt do ta padisë në gjykatë.

Statusi i plotë:

Skandaloze…

RTSH ka filluar të bëhet pronare e këngëve të kompozuara dhe të kënduara nga unë.

Vjedhje e hapur…

Pa asnjë lloj kontrate të shkruar të zezë mbi të bardhë RTSH vjedh të ardhurat që vijnë nga klikimet në Youtube. Në vitin 1997 nuk ka pasur Youtube dhe për pasojë asnjë kontratë të shkruar dhe firmosur.

Me turpin më të madh pa asnjë marrëveshje më bllokon këngën time në kanalin tim në Youtube, dhe e boton RTSH në kanalin e saj. Pretendimi i vetëm i RTSH është preteksi që jeni paguar për këngë.

Ndërkohë që jam paguar në vitin 1997 - 13.500 të reja PËR PJESËMARRJEN NË FESTIVAL, jo që të më vjedhin 26 vjet më pas…

I bëj thirrje drejtuesve të RTSH marrjen e masave të menjëhershme

1-Zhbllokimin e këngës

2-Ose Marrëveshje për të ardhurat nga Youtube, të ndahen sipas rregullave, pjesa e videos dhe pjesa audio.

Në të kundërt do të përballeni në Gjykatë./ CNA.al

“RTSH i vjedh autorësinë e këngës”/ Saimir

Lajmet e fundit nga