web counter
LEXO PA REKLAMA!

SHKARKO APP

App Store
Google Play

Abuzime me tenderin e varrezave dhe qenve endacake/ Nisin hetimet për Bashkinë e Kuçovës

24 Maj 2023, 21:41, Denoncim CNA

Abuzime me tenderin e varrezave dhe qenve endacake/ Nisin hetimet për

Në 19 Prill, “Stop” transmetoi disa problematika që lidhen më bashkinë e Kuçovës. Një banor i Kuçovës na tregoi, se kur një i afërmi i tij ndërroi jetë, ai kuptoi se taksat prej 21 000 lekësh dhe shërbimet i pagoi tek firma private “Pienvis shpk”.

Krahas kësaj shume, qytetari u detyrua të paguajë edhe 20 mijë lekë taksë bashkie për mirëmbajtjen e varrezave. Si të mos mjaftonte abuzimi me këtë tender, që u rëndon financave të qytetarëve Bashkia e Kuçovës, një vit pasi dha tenderin miratoi një tjetër taksë me vendim të Këshillit Bashkiak, për mirëmbajtjen e varrezave. 

Sipas informacioneve të mbërritura në redaksinë e “Stop”, në Bashkinë e Kuçovës shpesh janë organizuar tendera për kujdesin dhe menaxhimin e qenve endacake të qytetit, shërbim që prej vitesh i është dhënë privatit.

Por rezultoi, se ky tender ishte bërë fiktiv. Qyteti gëlon nga qentë endacakë, që janë kthyer edhe në rrezik për qytetarët. Gazetari i “Stop” gjeti vendin, ku duhet të trajtoheshin qentë endacakë, sipas dokumenteve të tenderit.

Por në ambientin e caktuar, në fshatin Gorre të Kuçovës, nuk kishte asnjë qen dhe asnjë kusht për trajtimin e qenve. Gazetari bisedoi edhe me personin, të cilit i kanë marrë ambientin me qira.

Ai përforcoi faktin, se nuk ka pasur kurrë qen në këtë ambient. Kryetari i bashkisë, Kreshnik Hajdari iu shmang shpjegimeve, e më pas tha se nuk është në dijeni të këtij tenderi.

“Stop” ka mësuar, se për të dy këto raste, varrezat dhe tenderin e qenve endacakë, Prokuroria e Beratit ka regjistruar procedim për vepër penale. Po ashtu edhe SPAK ka nisur hetimin në lidhje me mirëmbajtjen e varrezave të qytetit./tvklan





Lajmet e fundit nga