web counter
LEXO PA REKLAMA!

SHKARKO APP

App Store
Google Play

E fundit!

x

“S’punon sistemi”, qindra shqiptarë në radhë dyerve të Ambasadës Shqiptare në Paris

17 Maj 2023, 22:27, Denoncim CNA

 

Në redaksinë e Fiks Fare mbërritën disa ankesa, nga shtetas shqiptarë që jetojnë në Francë.

Ata shkuan në datën 9 maj 2023 në Ambasadën Shqiptare në Paris dhe kanë pritur gjithë ditën për të aplikuar për mjetet e identifikimit. Edhe pse kshin lënë orarë online u kanë thënë se “s’punon sistemi”.

“S’punon sistemi”, qindra shqiptarë në radhë

Nga video telefonatat e bëra nga gazetarët e Fiksit me shtetasit shqiptarë që ankoheshin , në ambientet e Ambasadës Shqiptarë në Paris shihen njërëz të shumtë që prisen në radhë dhe nuk marrin shërbim.

Shumica kishin udhëtuar shumë kilomentra për të qenë në orarin e vendosur nga ambasada dhe nuk mungonin as fëmijët e vegjël. Njëri pres qytetarëve pohon në video se janë më shumë se 180 shqiptarë që presin të marrin shërbim nga ambasada. Por nga punonjësit u është thënë shkurt që nuk punon sistemi dhe asnjë informacion më shumë.

“S’punon sistemi”, qindra shqiptarë në radhë

Ata pohojnë se as nuk janë lajmëruar për anomalinë. Qytetari që u ankua në Fiks Fare pohoi se kishte udhëtuar tërë natën për të qenë prezent në ambasadë dhe kishte përshkruar 700 kilometra rrugë, e si përfundim nuk kishte marrë shërbim dhe asnjë informacion se kur mund të rifillonte punë sistemi.

Fiksi telefonoi numrat e Ambasadës Shqiptare në Paris. Numri normal nuk hapet, por del sekretaria teksa thotë se duhet të paraqiteni në ambasadë në ditët e caktuar dhe orarin . Gazetarët telefonojnë edhe numrin e emergjencës së kësaj ambasade por që edhe këtu tel sekretaria.

“S’punon sistemi”, qindra shqiptarë në radhë

Gazetarët lënë dhe një mesazh zanor ku kërkojnë të informohen mbi atë çka ka ndodhur. Fiks Fare i drejtohet edhe nëpërmjet postës elektronike Ambasadës Shqiptare në Paris, duke e pyetur për problemin.

“S’punon sistemi”, qindra shqiptarë në radhë

Pas disa ditësh, ambasada pranon se sistemi i lëshimit të dokumenteve biometrikë ka pasur probleme të shumta në datën 9 maj. Madje, zyrtarë të ambasadës kanë pasur një letërkëmbim me firmën ALEAT, sipas këtij dokumenti që po shikoni. ALEAT pranon se sistemet e saj kanë qenë jashtë funksioni dhe do shpejtonin që ta rregullonin problemin.

Pas këtij informacioni Fiksi pyeti në Ministrinë e Jashtme në Shqipëri ku pohuan se problemi ka qenë i firmës ALEAT, që prodhon mjetet e identifikimit.

“S’punon sistemi”, qindra shqiptarë në radhë

Të pyetur me anë të telefonit ALEAT pranon problemin që ka patur sistemi në dt 9 maj, por që ka qenë në të gjitha zyrat konsullore e ambasada jashtë dhe në gjithë Shqipërinë.

Pyetjes se pse qytetarët nuk janë njoftuar për mos funksionimin e sistemit, punonjësja pohoi se ishte një një problem i momentit dhe se stafi i ALEAT punoi në kohë rekord për ta zgjidhur.

“S’punon sistemi”, qindra shqiptarë në radhë

Ndërkohë që qytetarët që u ankuan në Fiks Fare pohuan se sistemi nuk punoi gjithë ditën në dt 9 maj dhe se punonjësit e ambasadës nuk u dhanë asnjë garanci nëse sistemi do të punonte apo jo ditës tjetër.

Në fund punonjësja e ALEAT pohon se sistemi është rregulluar dhe punon normalisht kështu që qytetarët duhet të kontaktojnë me ambasadat për të marr shërbim.

“S’punon sistemi”, qindra shqiptarë në radhë

Pra ambasada dhe ALEAT e pranuan se ka pasur anomali. Por, çuditërisht asnjë shtetas shqiptar nuk është informuar, duke i detyruar të udhëtojnë qindra kilometra dhe të qendrojnë para dyerve të ambasadës për orë me radhë./ tch





Lajmet e fundit nga