Zhdukja e Ervis Martinajt/ Hoxha: Kur ndjeu që po i afrohej rreziku mori dy vila pranë kryeministrit, të ishte i mbrojtur

23 Tetor 2025, 21:03, Aktualitet CNA

Zhdukja e Ervis Martinajt/ Hoxha: Kur ndjeu që po i afrohej rreziku mori dy

Gazetari Artan Hoxha ka folur mbrëmjen e sotme lidhur me zhdukjen e Ervis Martinajt dhe kërkesën e babait të tij për ta shpallur zyrtarisht të zhdukur. I ftuar në emisionin “Opinion”, Hoxha tha se Martinaj ishte një njeri që nuk vinte nga bota e krimit por u bë armik publik pasi sipas tij i doli kundër qeverisë.

Ai tha se kur Ervis Martinaj ndjeu që rreziku po i afrohej mori dy vila pranë shtëpisë së kryeministrit Edi Rama. Hoxha u shpreh i bindur se Martinaj është eleminuar dhese kufoma e tij është zhdukur. Gazetari tha se vdekja e tij është e sigurt, ndërsa shtoi se problemi i vetëm i autoriteteve është mungesa e kufomës së tij.

"Mesa kujtoj në 1 shtator të 2022, ishte emisoni i parë i bërë pas zhdukjes së Vis Martinajt. Kisha qenë në shtëpinë e Martinajt. Familja po bënte hetimet e veta. Mustafa Martini i ka patur bizneset dhe paratë para se i biri të futej në biznes. Problemi që ka ai është se për 3 vjet e gjysëm nuk kanë pasur asnjë kontakt me të birin. Mesazhi i fundit ka qenë në gusht të 2022 për një kafshë luan. Dhe versioni i vetëm ishte që ai ishte rëmbyer dhe ishte vrarë.

Ai ishte një njeri që evoloi botën e krimit. Vis Martinaj ka tre vajza dhe nje djalë dhe vetë është djalë i vetëm, ka tre motra. Ai nuk vinte nga bota e krimit por u bë armik publik se u bë kundërshtar i qeverisë, i mazhorancës. Edi Rama nuk është marrë asnjëherë me emër të botës krimit, vetëm me Vis Martinaj. Kur Martinaj ndjeu rrezikun që mund të zhdukej mori dy vila pranë kryeministrit Rama, që të ishte më i mbrojtur. Në një vilë ka mbajtur familjen.

Ervis Martinaj është eleminuar dhe kufoma e tij është zhdukur. Sot mund t'i fshihesh shtetit por jo hasmit, armikut. Janë elementët që të bindin se ai është zhdukur. Problemi që kanë sot autoritetet është mungesa e kufomës, se për shembull, Jan Prengën e kanë kufomën. Informacioni më i qëndrueshëm është se kufoma është në tokë. Me Martinajn u ndoq teoria e prerjes së krahëve. I ngeli vetëm oficeri. Martinaj mori aq shumë vëmendje për atë që përfaqësonte. Ishte personazh i fuqishëm i lojërave të fatit", tha Hoxha. /CNA