web counter
LEXO PA REKLAMA!

SHKARKO APP

App Store
Google Play

Punimet për zgjerimin e autostradës Tiranë-Durrës/ Balluku: Brenda vitit përfundojnë dy fazat e projektit

23 Tetor 2025, 16:55, Aktualitet CNA

Punimet për zgjerimin e autostradës Tiranë-Durrës/ Balluku:

Numri dy i qeverisë njëkohësisht dhe ministrja e Infrastrukturës dhe Energjisë Belinda Balluku ka bërë me dije se punimet e zgjerimit të autostradës Tiranës Durrës por ecin mirë dhe brenda këtij viti do të përfundojnë dy fazat e projektit.

“Ndodhemi në një nga kantierët që po ecën më mirë, që është kantieri i autostradës Tiranë–Durrës”, deklaroi Balluku, duke theksuar se projekti po avancon sipas planit. “Faza e parë ka një ecuri të mirë prej 65 përqind, ndërkohë që faza e dytë ka arritur tashmë në 85 përqind të punimeve. Ne shpresojmë që në fundvit të kemi përfunduar fazën e parë dhe të dytë”, tha ajo.

Balluku theksoi se vazhdojnë punimet pranë kthesës së Kasharti ku kanë mbetur 200 metrat e fundit.

Zëvendëskryeministrja Belinda Balluku tha se autostrada Tiranë–Durrës po transformohet në një aks modern të kategorisë “A”, me parametra europianë.

“Në gjashtë kilometrat e para, duke nisur nga Casa Italia deri tek Mbikalimi i Kasharit, autostrada kthehet në autostradë të tipit A, me kurorë 32.5 metra gjerësi, me katër korsi nga të dyja krahët, tre për makinat dhe një për emergjencën”, deklaroi ministrja.

Balluku tha se pasi të përfundojnë dy fazat e para, pritet që trafiku në këtë segment të lehtësohet ndjeshëm, duke përmirësuar lëvizjen ndërmjet Tiranës dhe Durrësit.

“Faza e parë dhe faza e dytë do të hapen deri në fund të vitit dhe trafiku do të lehtësohet ndjeshëm”, u shpreh ministrja Balluku./ CNA





Lajmet e fundit nga