E fundit!

10:38 Kulturë

Ndahet nga jeta mjeshtri i humorit, Todi Llupi

Ndahet nga jeta në moshën 78-vjeçare mjeshtri i humorit To...

Kryepiskopi Joan sqaron përfshirjen e Kishës Ortodokse në ngjarjen e Kosinës

23 Tetor 2025, 09:15, Aktualitet CNA

Kryepiskopi Joan sqaron përfshirjen e Kishës Ortodokse në

Kryepiskopi Joan në intervistën me gazetarin Blendi Fevziu në emisionin “Opinion” i dha përgjigje ngjarjes së bujshme të Kosinës për zhvarrosjen e eshtrave të banorëve si ushtarë grekë në vitin 2006 dhe sqaroi rolin e Kishës në këtë histori.

Kryepiskopi tha se nuk e dinë sesa i përfshirë ishte prifti i zonës në këtë ngjarje, por prifti duhet të jetë prezent në zhvarrim pasi e ka detyrim, njëlloj si mjeku që shëron edhe armikun.

Fortlumturia e Tij Joani tha se KOASH nuk ishte e qartë fillimisht se çfarë po ndodhte dhe përfshirja ishte gabim, por shërbesa është e detyrueshme.

Fevziu: Thyerja e Kryepiskopit Anastas në raport me mediat ka qenë çështja e eshtrave të Kosinës, ku eshtrat e disa banorëve lokalë të fshatrave të Përmetit, jo për faj të Kishës edhe pse vetë të afërmit morën dhe shitën eshtrat e tyre për ushtarë grekë. Në atë kohë kisha nuk mbajti distancën e nevojshme nga një gjë e tillë sepse eshtrat e personave të nxjerrë nga varret ishin eshtra ortodoksësh shqiptarë.

Kryepiskopi Joan: Kisha që në fillim nuk ishte e qartë se çfarë kishte ndodhur me ata persona. Ata nuk ishin pajtuar nga kisha, ishte një program i qeverisë greke për t’i mbledhur ato.

Gabimi ishte që prifti u përfshi në këtë ngjarje, por prifti në çdo zhvarrim duhet të jetë që të bëjë shërbesën, është një pjesë e detyrueshme, kushdo qoftë personi që zhvarroset dhe sot ne kur zhvarroset dikush bëjmë një shërbesë të shkurtër edhe kur rivarroset dhe zhvendoset diku tjetër në shërbesë e bëjmë ne atë. Nuke di masën sesa ishte përfshirë ai për gjërat e tjera, por nuk ishte nga kisha kjo. Që prifti lokal duhet të ishte, duhet të ishte se edhe sot nëse do të jetë një i krishterë ortodoks dhe do një shërbesë jemi të detyruar ta bëjmë, si puna e mjekut. Mjeku dhe prifti kanë të njëjtën gjë, kushdo qoftë i plagosur edhe armiku i plagosur duhet ta shërojë. Edhe prifti bën shërbesën, shërbesa nuk është dekoratë është detyrim, është një lutje./CNA