web counter
LEXO PA REKLAMA!

SHKARKO APP

App Store
Google Play

E fundit!

x

"Pa HEC-et KOASH do të falimentonte"/ Kryepiskopi Joan: Fortlumturia e Tij Anastasi i vuri kusht Patriarkanës autoqefalinë

23 Tetor 2025, 08:47, Aktualitet CNA

"Pa HEC-et KOASH do të falimentonte"/ Kryepiskopi Joan:

Kryepiskopi i Tiranës, Durrësit dhe gjithë Shqipërisë, Fortlumturia e Tij Joani, në intervistën e dhënë për emisionin "Opinion" me gazetarin Blendi Fevziu, i ka dhënë përgjigje pyetjes nëse përkatësia etnike e Kryepiskopit Anastas dëmtoi autoqfalinë e Kishës Ortodokse të Shqipërisë.

Kryepiskopi Joan tha se Kryepiskopi i ndjerë Anastas e forcoi autoqefalinë përmes ndërtimit të HEC-eve, pasi pa to KOASH-i do të kishte falimentuar.

Gazetari Blendi Fevziu: A e dëmtoi përkatësia e tij greke autoqefalinë shqiptare?

Kryepiskopi Joan: Ndoshta shpeshherë në media, por puna që bëri ai forcoi autoqefalinë. Po të mos kishte bërë punën e madhe me HEC-et për kishën ne sot do të kishim falimentuar, kjo ishte një vepër për të ruajtur pikërisht autoqefalinë e Shqipërisë dhe kur ka ardhur në fillim Kryepiskopi që u dërgua nga Patriarkana i vuri disa kushte: një nga kushtet ishte që të mos cenohet autoqefalia sepse kishin dalë disa teologë në Greqi që thoshin që kisha nuk ekziston dhe që Autoqefalia ka mbaruar.

Fevziu: Pra që e ka kryer misionin e saj që nga Kongresi i Beratit dhe deri më pas.

Kryepiskopi Joan tha se një nga kushtet që i vuri Kryepiskopi Anastas Patriarkanës ishte ndërtimi i një kishe lokale solide dhe jo një koloni pasi pa qenë solide nuk do të kishte të ardhme dhe të mos cenohej autoqefalia.

Kryepiskopi Joan: Një nga kushtet që vuri Kryepiskopi Anastas ishte dhe kjo sepse në vizionin e tij ai e kuptonte që nëse nuk do të ndërtohej një kishë lokale solide nuk do të ketë të ardhme ajo gjë. Në intervistën e fundit që ka dhënë në Greqi pikërisht këtë ka thënë: “unë nuk shkova atje (në Shqipëri) për të ndërtuar një koloni, por për të ndërtuar një kishë”.

Në Greqi populli dhe pjesa më e madhe e nderon e adhuron, por kishte njerëz që nuk iu duk aq grek sa duhet sipas tyre.

Fevziu: Normal sepse ka radikalë, për shqiptarët nuk ishte aq shqiptar, për grekët nuk ishte aq grek sa duhet dhe kjo ndodh rëndom.

Kryepiskopi Joan: Vepra tregon.

Kryepiskopi Joan komentoi edhe prejardhjen e kryepiskopit Anastas dhe tha se ai nga nëna mbanin mbiemrin Malltezi që ishin me origjinë nga Preveza, por nuk mund të jepte një përgjigje për etninë.

Fevziu: A është e vërtetë që ishte me origjinë shqiptare nga e ëma? Sepse në CV-në e publikaur nga kisha thotë se vjen nga familja Malltezi?

Kryepiskopi Joan: Malltezi janë nga Preveza, ka mundësi të kenë qenë, nuk mund të them se çfarë ishin.

Teksa foli për figurën e Kryepiskopit të ndjerë Anastas Fortlumturia e Tij Joani tha se ai ishte një njeri zemërdhembshur që dëgjonte problemet e të gjithëve, një njeri që ishte i qëndrueshëm në veprën e tij.

Fevziu: Si ishte në jetën e përditshme?

Kryepiskopi Joan: Kryepiskopi Anastas ishte një njeri i thellë, zemërdhembshur, përpiqej që të kuptonte nevojat e gjithsecilit për t’i plotësuar, por në të njëjtën kohë ishte edhe i qëndrueshëm në veprën e tij./CNA





Lajmet e fundit nga