web counter
LEXO PA REKLAMA!

SHKARKO APP

App Store
Google Play

Reagimi i Celibashit për raportin e OSBE/ Gazetari: Ky është kryeministri i zgjedhjeve

23 Tetor 2025, 19:31, Aktualitet CNA

Reagimi i Celibashit për raportin e OSBE/ Gazetari: Ky është

Gazetari Bledian Koka ka komentuar reagimin e kreut të KQZ-së, Ilirjan Celibashit për raportin final të OSBE/ODIHR për zgjedhjet parlamentare të 11 majit. 

I ftuar në Syri Tv, Koka, i cili iu referua Celibashit si “kryeministri i zgjedhjeve” tha se ai po reagon sikur është hera e parë që menaxhon një proces zgjedhor.

"Ky që ka reaguar është Kryeministri i Zgjedhjeve! Pra ‘kryeministri i zgjedhjeve’ na thotë që ka pasur ca probleme por ata thanë që unë kam punuar. Po procesi i votimeve nga jashtë ishte totalisht i kompromentuar dhe risolli komunizmin në rezultat, në administrim dhe dështim. Do paguajmë nga 20 e ca milionë euro te DHL-ja ndërkohë që DHL nuk u përfshi fare në këtë proces si nënkontraktor, duke i konsideruar zarfat e votave as si ‘letra nga fronti’.

Kryeministri i zgjedhjeve, na thotë që kishte ca problem. Në 2025-ën një njeri që i ka administruar zgjedhjet që nga 2005, nuk mund të bëjë sikur është hera e parë që i ka menaxhuar zgjedhjet.

QV-të kanë qënë kryesisht nëpër shkolla dhe e dini se çfarë ka ndodhur disa ditë pasi njerëzit janë kthyer nëpër shkolla, kanë parë që kamerat nuk punonin pasi ishin mbyllur me ngjitës. Këto kamerat janë prova për atë që ka ndodhur në ambjentet ku janë zhvilluar votime. Këto gjëra duhet t’i kishte administruar ky që ka që në 2003-shin dhe flet sikur sapo e ka marrë këtë detyrë.", tha Koka. /CNA 





Lajmet e fundit nga