web counter
LEXO PA REKLAMA!

SHKARKO APP

App Store
Google Play

E fundit!

x

“Zai Fundo, i pakrahasueshëm”/ Profesor Ilir Kalemaj: Mund të ishte eurodeputeti i parë shqiptar

14 Prill 2026, 11:04, Aktualitet CNA

Profesor Doktor Ilir Kalemaj ka folur për intelektualin e shquar, njeriun që firmosi themelet e BE-së, Llazar (Zai) Fundon.

Në emisionin “Esencë”, Kalemaj u shpreh se Zai Fundo ishte i pakrahasueshëm dhe një nga personazhet më të rëndësishme sa i përket aktivitetit politik.

Kalemaj përmendi faktin që ai kishte bashkëpunuar me Bukharin, Dimitrov, Spinelin dhe De Gasperin.

Profesori theksoi se Zai Fundo në 1944 pati një ofertë për të qëndruar në Itali, aty ku mund të bëhej deputet, mund të bëhej dhe eurodeputeti i parë shqiptar, por vendosi të kthehej në Shqipëri ku pati dhe fundin tragjik, ku u vra, sipas tij, me urdhër të ish-diktatorit Enver Hoxha.

“Për sa i përket aktivitetit politik, Zai Fundo ishte i pakrahasueshëm. Aktiviteti i tij politik bënte që të ishte një nga personazhet më të rëndësishme. Kishte qenë ndihmës i Bukharinit në Komintern.

Kishte qenë bashkëpunëtor i ngushtë i Georgi Dimitrov në krye të Kominternit.

Ishte mik me Spinelin e me De Gasperin. Pati ofertë në ‘44 që të qëndronte në Itali dhe të bëhej dhe deputet, do të bëhej eurodeputeti i parë shqiptar, por u kthye në Shqipëri dhe pati një fund tragjik kur iu bashkëngjit Kryezinjve dhe u vra në mënyrë tradhtare nga lidershipi komunist me urdhër të Enver Hoxhës”, tha Kalemaj./ CNA

 

 





Lajmet e fundit nga