web counter
LEXO PA REKLAMA!

SHKARKO APP

App Store
Google Play

E fundit!

x

Pas festimit të Pashkës/ Emigrantët rikthehen në Greqi, radhë mbi 1 km në Kapshticë

13 Prill 2026, 18:11, Aktualitet CNA

Pas festimit të Pashkës/ Emigrantët rikthehen në Greqi,

Emigrantët që festuan Pashkën Ortodokse në vendlindje, po rikthehen drejt shtetit grek, gjë që ka krijuar fluks në doganën e Kapshticës.

Mësohet se doganë ndodhen në pritje me dhjetëra mjete, duke sjellë lëvizje të rënduar, ndërsa radha ka arritur në më tepër se 1 km.

Ndërkohë, qytetarët që presin në radhë shprehen të lodhur nga pritjet e gjata, duke theksuar se kjo situatë përsëritet shpesh gjatë periudhave festive:

“Katër orë kemi këtu, që nga ora 11:00, ka ngarkesë shumë. Isha në Shqipëri për të festuar Pashkën dhe kam 35 vite që jetoj në Greqi.”

“Kam dy orë e gjysmë që pres. Gjithmonë e njëjta situatë, kemi frikë të vijmë në vendin tonë. Qëndruam 5 ditë për festa. Besoj do të presim edhe 3 orë të tjera.”

“Kemi të paktën 2 orë që presim dhe nuk e dimë edhe sa orë të tjera do të presim. Ne vijmë nga Elbasani, ishim për festa dhe po përjetojmë edhe vonesa. Nuk kemi ç’të bëjmë.”

“Situata pak e lodhshme, por jemi mësuar. Erdhëm për Pashkë, pamë edhe prindërit dhe do të kthehemi në Greqi. Kemi rreth një orë e një çerek që presim. Po punohet, shohim që kanë hapur sportele, por ngarkesa kuptohet.”

“Kemi rreth dy orë, shumë trafik. Erdhëm për festa, të shikonim prindërit dhe familjarët. Vazhdon lëvizja, por shumë avash, shumë pak. Duhet të ecë më shpejt, sepse ne jemi për rrugë dhe për punë.”

Sipas të dhënave nga pika kufitare, pala shqiptare po punon me 5 sportele në dalje pra me kapacitet të plotë, ndërsa pala greke me 6 korsi në hyrje të saj./CNA





Lajmet e fundit nga