web counter
LEXO PA REKLAMA!

SHKARKO APP

E fundit!

x

Shirokë-Zogaj drejt përfundimit/ Rruga 6.5 km pritet të hapet në maj

13 Prill 2026, 11:51, Aktualitet CNA

Shirokë-Zogaj drejt përfundimit/ Rruga 6.5 km pritet të hapet

Zëvendëskryeministrja Albana Koçiu, së bashku me ministrin e Infrastrukturës dhe Energjisë, Enea Karakaçi, dhe kreun e policisë së shtetit Skënder Hita, inspektuan këtë të hënë punimet në segmentin rrugor Shirokë–Zogaj, një projekt i financuar nga BERZH dhe në fazë përfundimtare.

Rruga prej rreth 6.5 kilometrash konsiderohet një lidhje e rëndësishme mes Shkodrës dhe pikës kufitare me Malin e Zi, duke synuar lehtësimin e qarkullimit dhe nxitjen e turizmit në zonën e liqenit.

Autoritetet deklaruan se ky investim pritet të ketë ndikim të drejtpërdrejtë si në lëvizjen e qytetarëve, ashtu edhe në zhvillimin ekonomik e turistik të zonës, ndërsa paralelisht po punohet edhe për një pikë të përbashkët kufitare me Malin e Zi.

Aksi Shirokë–Zogaj pritet të jetë i përfunduar brenda mesit të muajit maj, në prag të sezonit turistik. Po ashtu, u theksua edhe projekti “Porta e Alpeve”, me një investim rreth 100 milionë euro, i cili synon të kthejë Shkodrën në një nga hyrjet kryesore të turizmit malor në vend. /CNA





Lajmet e fundit nga