web counter
LEXO PA REKLAMA!

SHKARKO APP

App Store
Google Play

"Rrënjët e mia nuk i harroj"/ Eurodeputeti shqiptar ndan mesazhin për Samitin e Diasporës në Tiranë

13 Prill 2026, 10:33, Aktualitet CNA

"Rrënjët e mia nuk i harroj"/ Eurodeputeti shqiptar ndan

Eurodeputeti Adnan Dibrani ka ndarë një mesazh në rrjetet sociale në nisje të Samitit të IV të Diasporës në Tiranë. Dibrani shprehet se këtë vit nuk mund të marrë pjesë në këtë samit, ndërsa shton se kurrë rrënjët e tij nuk i harron.

“Përshëndetje të gjithëve, shumë prej jush këtë javë keni ardhur nga diaspora për të vizituar Tiranën dhe Shqipërinë. Mua këtë javë më duhet të shkoj për në Uashington, por kështu është shkruar për ne, gjithmonë në lëvizje. Gjatë gjithë kohës edhe në Stokholm edhe në Parlamentin Europian në Bruksel kurrë rrënjët e mia nuk i harroj! I lindur në Mitrovicë, por i rritur në Suedi, mburrem që jam shqiptar dhe të gjithë e dinë që jam shqiptar. Ju dëshiroj suksese gjatë kësaj jave dhe vetëm një mesazh kam, shihemi vitin tjetër dhe sa më fortë se kurrë”, shprehet eurodeputeti.

 
 
 
 
 
View this post on Instagram
 
 
 
 
 
 
 
 
 
 
 

A post shared by CNA.al (@cna.lajme)

Ditën e sotme në Tiranë, nis Samiti IV i Diasporës. Ky organizim treditor është caktuar të mbahet në datat 13-14-15 prill. Slogani zyrtar i samitit që do të mbahet në Pallatin e Kongreseve është: “Përmes rrënjëve lartësohemi”.

Ministria për Europën dhe Punët e Jashtme ka publikuar edhe agjendën e samitit, që përfshin panele të shumta diskutimi mbi tematika të ndryshme, por edhe shumë të ftuar, ku veçohen personalitete të rëndësishme të Shqipërisë dhe të diasporës.

Ndër pjesëmarrësit përmendet kryeparlamentarja e Kosovës, Albulena Haxhiu; kryeparlamentari i Maqedonisë së Veriut, Afrim Gashi; zëvendëskryeministri i Malit të Zi, Nik Gjeloshaj; ish-kryeministri i Malit të Zi, Dritan Abazoviç; zëvendëskryeministri i Kosovës, Glauk Konjufca. /CNA





Lajmet e fundit nga