web counter
LEXO PA REKLAMA!

SHKARKO APP

E fundit!

x

Rama inspekton "Lungomare 4" në Vlorë/ Kërkohet zgjidhje e re për parkimet

13 Prill 2026, 12:30, Aktualitet CNA

Rama inspekton "Lungomare 4" në Vlorë/ Kërkohet

Kryeministri Edi Rama ka kryer inspektime në Vlorë lidhur me projektin “Lungomare 4”, ku është ndalur veçanërisht te çështja e parkimeve dhe nevoja për një organizim të ri të tyre në zonë.

Gjatë vizitës, Rama u shpreh se zhvillimi i shëtitores do të sjellë përmirësim të ndjeshëm në qytet, por theksoi se kërkohet një zgjidhje më e gjerë për parkimin.

Sipas tij, duhet identifikuar një sistem i ri dhe më efikas për menaxhimin e hapësirave të parkimit.

“Kjo e Lungomares do të ndihmojë shumë, megjithatë duhet të identifikojmë vende të tjera për parkime, duhet bërë një gjë e re komplet për parkimet”, është shprehur Rama.

Ai vizitoi edhe parkimin pranë Universitetit të Vlorës, i cili parashikohet të ofrojë rreth 250 vende parkimi.

Ky parkim pritet të hapet brenda ditëve të ardhshme, ndërsa po finalizohen procedurat edhe për një tjetër parkim në zonën e Lungomares.

Projekti “Lungomare 4” është pjesë e investimeve për përmirësimin e hapësirave publike në Vlorë, me qëllim rritjen e aksesueshmërisë, sigurisë dhe atraktivitetit turistik.

Sipas autoriteteve, shëtitorja pritet të rrisë interesin e vizitorëve vendas, të huaj dhe diasporës, jo vetëm për pushime sezonale, por edhe për investime në zonë./ CNA





Lajmet e fundit nga