web counter
LEXO PA REKLAMA!

SHKARKO APP

App Store
Google Play

E fundit!

x

Samiti/ Rama: Diaspora nuk është në periferi të jetës kombëtare të Shqipërisë, por në qendrën e saj

14 Prill 2026, 10:09, Aktualitet CNA

Samiti/ Rama: Diaspora nuk është në periferi të jetës

Kryeministri Edi Rama ka marrë fjalën në hapjen e ditës së dytë të punimeve të Samitit IV të Diasporës. Rama u shpreh se sot diaspora është zgjatimi i kombit shqiptar në vendet e botës.

Ndër të tjera shtoi se sot diaspora nuk është më histori largimi, por “shumëfishim i forcave të kombit shqiptar”. Kreu i qeverisë ftoi të gjithë shqiptarët që jetojnë jashtë vendit të marrin pjesë në ndërtimin e së ardhmes së Shqipërisë.

“Privilegj të jem sot këtu si kryeministër i Shqipërisë dhe të vij këtu si një zë që formojnë bashkësinë e një kombi më të madh se kufijtë e tij. Shqipëria nuk mbaron aty ku mbaron territori i saj. Sot kur bota është më e ndërlidhur se kurrë dhe ku fjala si kurrë më parë kalon nga një kontinent në tjetrin, ju jeni zgjatimi i kombit shqiptar kudo në botë. Ka pasur një kohë kur shqiptarët iknin nga atdheu duke marrë me vete guximin e kujt s'ka asgjë për të humbur dhe dhimbjen e ndarjes.

Ajo që dikur dukej si hendek sot është bërë urë. Sot diaspora shqiptare nuk është histori ikjeje, por shumëfishim i forcave të kombit shqiptar. Shqiptarët ndërtuan jetën në vende që nisën t’i njohin ata jo përmes stereotipeve, por përmes dobisë dhe fisnikërisë së tyre. Përmes historive të suksesit ju mbartët fillin e padukshëm që na lidh të tërëve me këtë tokë. Ky fill është aseti ynë strategjik forca përbashkuese që kombi ka dhe sfida që Shqipëria ka sot për ta mbajtur dhe përcjellë brez pas brezi gjurmën e tyre. Ky samit nuk është mbledhje ceremoniale, është deklaratë qëllimesh të përbashkëta. Diaspora shqiptare nuk është në periferi të jetës kombëtare të Shqipërisë, por në qendrën e saj. Ky vend e fton diasporën në pjesëmarrje, në investime, në jetën akademike, në të ardhmen e Shqipërisë", u shpreh Rama ndër të tjera. /CNA





Lajmet e fundit nga