web counter
LEXO PA REKLAMA!

SHKARKO APP

App Store
Google Play

Vrau 16-vjeçarin për një "Rolex"/ Gjykata vendos masën e sigurisë për autorin

13 Tetor 2022, 13:37, Aktualitet CNA

Vrau 16-vjeçarin për një "Rolex"/ Gjykata vendos

Gjykata e Kurbinit ka caktuar masën e sigurisë "arrest me burg", për shtetasin Kristjan Cenaj, i cili është arrestuar më 10 tetor për vrasjen e 16-vjeçarit Mariglen Gjonaj. 

Seanca e sotme me dyer të mbyllura ka zgjatur rreth 1 orë e gjysmë, ku të pranishëm jashtë ambienteve të gjykatës ishin edhe familjarët e autorit të dyshuar. 

Vrasja ka ndodhur në vitin 2015, ndërkohë Kristjan Cenaj ka përfunduar në prangat e policisë menjëherë sapo ka zbritur në aeroportin e Rinasit. 


Kujtojmë se policia ditën e djeshme konfirmoi dhe provoi se 16-vjeçari Mariglen Gjonaj, i cili ishte shpallur i zhdukur prej kohësh, është vrarë dhe autori është kapur. 

Drejtori i Policisë Vendore i Policisë Lezhë, Vehbi Bushati, ka deklaruar për mediat se gjatë ekspertimit biologjik të eshtrave të gjetura dhe mbetjeve kockore që u gjetën pak kohë më parë, u vërtetua se i përkisnin të zhdukurit 7 vjet më parë, të miturit 16-vjeçar Mariglen Gjonaj.

Pas hetimeve është identifikuar autori Kristjan Cenaj (30 vjeç), dhe dyshohet se ky i fundit ka vrarë 16-vjeçarin për t'i marrë një orë dore të markës "Rolex", e cila ka një vlerë të konsiderueshme. 

Sakaq Drejtori i Policisë lezhë ka deklaruar se 30-vjeçari nuk e ka pranuar fajin, por policia dhe prokuroria kanë prova të mjaftueshme për dënimin e tij./CNA.al





Lajmet e fundit nga