web counter
LEXO PA REKLAMA!

SHKARKO APP

App Store
Google Play

Mbahet takimi i gjashtë i Grupit të Kontaktit/ Peleshi: Do të vijojmë ndihmën për Ukrainën

13 Tetor 2022, 09:04, Aktualitet CNA

Mbahet takimi i gjashtë i Grupit të Kontaktit/ Peleshi: Do të

Ministri i Mbrojtjes, Niko Peleshi, mori pjesë në takimin e gjashtë të Grupit të Kontaktit të Mbrojtjes për Ukrainën.

Në këtë takim të thirrur nga Sekretari i Departamentit të Mbrojtjes së SHBA-së, z. Lloyd Austin dhe Shefi i Shtabit të Bashkuar të SHBA-së, Gjeneral Mark Milley, në selinë e NATO-s në Bruksel, ishin të pranishëm përfaqësues të afro 50 vendeve aleate dhe partnere.

Qëllimi i këtij takimi ishte adresimi i kërkesave të Ukrainës për kapacitete ushtarake dhe joushtarake të nevojshme për vijimin e reagimit ndaj sulmit të paprovokuar të Rusisë. Në diskutimet e përfaqësuesve të lartë të shteteve aleate u konfirmua uniteti në mbështetje të Ukrainës.

Gjatë fjalës së tij, Ministri i Mbrojtjes i Shqipërisë, Niko Peleshi, dënoi me forcë të ashtuquajturat referendume ruse për aneksimin e rajoneve të Ukrainës, duke shprehur qëndrimin e Shqipërisë për të mos i njohur kurrë ato.

Mbahet takimi i gjashtë i Grupit të Kontaktit/ Peleshi: Do të

Ministri Peleshi theksoi se Shqipëria njeh dhe respekton sovranitetin dhe integritetin territorial të Ukrainës. Ai përmendi kontributin e deritanishëm të qeverisë shqiptare në mbështetje të Ukrainës dhe deklaroi se po punohet për të ofruar ndihmë ushtarake dhe humanitare.

Në këtë takim mori pjesë edhe Shefi i Shtabit të Përgjithshëm të FARSH Gjeneral brigade Arben Kingji. Takimi i gjashtë i Grupit të Kontaktit të Mbrojtjes për Ukrainën u mbajt para takimit dy ditor të Ministrave të Mbrojtjes së vendeve të NATO-s./CNA.al





Lajmet e fundit nga