web counter
LEXO PA REKLAMA!

SHKARKO APP

App Store
Google Play

E fundit!

x

"Mos shkoni ilegalisht në Angli"/ Ambasadori britanik prezanton nga Kukësi nismën për rininë

12 Tetor 2022, 13:39, Aktualitet CNA

"Mos shkoni ilegalisht në Angli"/ Ambasadori britanik prezanton

Ambasadori britanik i Shqipërisë, Alastair King Smith, në një deklaratë për mediat në Kukës, u ka drejtuar një thirrje të rinjve shqiptarë, duke kërkuar që ata të mos largohen në mënyrë ilegale nga Shqipëria. 

Në Kukës, ambasadori prezantoi edhe projektin e ri  “Perspektiva të reja për qarkun e Kukësit”, projekt për të cilin është akorduar një fond prej 8.4 milionë paundësh nga qeveria britanike dhe do të zbatojë për 3 vite në qarkun e Kukësit.

Qëllimi i projektit është frenimi i fenomenit të paligjshëm të emigrimit drejt Britanisë.

Jam në Kukës për të nisur me programin “Perspektiva të reja për qarkun e Kukësit”. Kjo është iniciativa jonë më ambicioze në veri të Shqipërisë. Do të garantojë aftësi të reja dhe punësim në këtë rajon. Mesazhi im për të gjithë ata që po mendojnë të udhëtojnë drejt Mbretërisë së Bashkuar në mënyrë të paligjshme është, prisni, mos shkoni tani dhe mos rrezikoni jetën tuaj! Ajo që ju tregohet në mediet sociale nuk është realiteti. Ju po dëgjoni kryeministren britanike se Britania po kërkon punëtorë, prandaj rrini këtu dhe aplikoni për viza në mënyrë ligjore. Mos ikni ilegalisht, mesazhi im për prindërit dhe anëtarët e familjes është që kriminelët dhe trafikantët po shfrytëzojnë fëmijët tuaj dhe po i detyrojnë ata t’i hyjnë botës së krimit.- u shpreh ambasadori.

Sipas ambasadorit ky projekt do të shërbejë si një perspektivë për familjet në Kukës si dhe do të rrisë vendet e punës për të rinjtë./CNA.al





Lajmet e fundit nga