web counter
LEXO PA REKLAMA!

SHKARKO APP

App Store
Google Play

Drejtësia ecën dhe ngecën/ KE u “tërheq veshin” institucioneve të Vettingut

12 Tetor 2022, 08:51, Aktualitet CNA

Drejtësia ecën dhe ngecën/ KE u “tërheq veshin”

Komisioni Europian vlerëson ecurinë Shqipërisë në rrugën e reformave që lidhen me procesin e integrimit, por edhe kritikat nuk kanë qenë të pakta.

CNA.al do t'i sjellë të detajuara, detyrat që KE thotë se mund të ishin bërë më mirë.

E nisim nga sistemi i drejtësisë i cili prej pesë vitesh i është nënshtruar procesit të Vettingut.

Sipas raportit të KE-së, sistemi gjyqësor i Shqipërisë, sipas Komisionit europian “ka arritur një shkallë përgatitjeje të moderuar” dhe Reforma në Drejtësi konsiderohet të ketë pasur “një përparim përgjithësisht të mirë”.

Nga ana tjetër, raporti vë në dukje emërimet për plotësimin e vendeve në Gjykatën Kushtetuese dhe atë të Lartë, duke theksuar se “megjithatë procedurat e gjata, dhe një numër i madh i çështjeve të prapambetura vazhdojnë të ndikojnë negativisht në efikasitetin e sistemit gjyqësor”.

Sipas të njëjtit raport, ecuria e procesit të rivlerësimit të gjyqtarëve dhe prokurorëve vlerësohet se “ka vazhduar të përparojë në mënyrë të qëndrueshme.

Deri më 12 shtator, institucionet e vettingut kishin përfunduar 554 çështje të shkallës së parë.

Rreth 64% e dosjeve të vettingut të përpunuara deri më tani kanë rezultuar me shkarkime, dorëheqje ose përfundimin e mandatit të magjistratëve të verifikuar”.

Sipas Komisionit “institucionet e vettingut duhet të vazhdojnë t'i referojnë organeve të prokurorisë rastet kur ka të dhëna për vepra penale”./CNA.al





Lajmet e fundit nga