web counter
LEXO PA REKLAMA!

SHKARKO APP

App Store
Google Play

E fundit!

x

U kishte vjedhur paratë/ Dy vëllezërit "rrëmbejnë" 15-vjeçarin, policia procedon 3 djemtë

12 Tetor 2022, 11:55, Aktualitet CNA

U kishte vjedhur paratë/ Dy vëllezërit

Dy vëllezër kanë marrë me forcë në automjetin e tyre një 15-vjeçar, i cili u kishte vjedhur një shumë parash.

Policia njofton se 15-vjeçari është proceduar penalisht për veprën penale "Vjedhja", ndërkohë që dy vëllezërit 30 dhe 33 vjeç janë arrestuar në flagrancë. 

Dimal/Berat

Vihen në pranga 2 shtetas (vëllezër), të cilët me vetëgjyqësi morën me forcë në automjet, një 15-vjeçar për të cilin dyshonin se u kishte vjedhur një shumë parash, në banesë.

Procedohet penalisht 15-vjeçari, për veprën penale “Vjedhja”.

Nga specialistët e Seksionit për Hetimin e Krimeve, në Stacionin e Policisë Dimal, u bë arrestimi në flagrancë i shtetasve F. H., 33 vjeç dhe A. H., 30 vjeç (vëllezër), banues në Drenovicë, Dimal.

Arrestimi i tyre u bë pasi, në fshatin Drenovicë, Dimal, kanë marrë me forcë dhe me vetëgjyqësi, në automjetin e tyre, një 15-vjeçar, sepse dyshonin se kishte vjedhur një shumë parash, në banesën e tyre, në datën 10.10.2022.

Materialet i kaluan Prokurorisë pranë Gjykatës së Rrethit Gjyqësor Berat, për veprime të mëtejshme./CNA.al





Lajmet e fundit nga