web counter
LEXO PA REKLAMA!

SHKARKO APP

App Store
Google Play

Masakra në Klos/ PD: Policia në dijeni të konfliktit, nuk u mor asnjë masë

12 Tetor 2022, 18:18, Aktualitet CNA
Masakra në Klos/ PD: Policia në dijeni të konfliktit, nuk u mor
Flamur Noka

Partia Demokratike ka reaguar lidhur me ngjarjen e rëndë në Klos, ku mbetën të vrarë tre persona dhe të plagosur dy të tjerë.

Në një deklaratë për mediat, sekretari i Përgjithshëm, Flamur Noka, u shpreh se policia ishte në dijeni të konfliktit mes familjeve dhe nuk ka marrë asnjë masë për parandalimin e ngjarjes.

“Masakër ne qendër te Klosit me 3 viktima para pak orësh ka tronditur mbarë shoqërinë. Përveç tri jetëve të humbura, janë plagosur edhe 5 të tjerë, skena të një masakre sipas dëshmitarëve.

Autori i masakrës rezulton një patronazhist me uniformë …. Besnik Mjeshtri, punonjës i Policisë Bashkiake të Klosit. Policia ka qenë në dijeni të konfliktit dhe siç duket qartë nuk ka marrë masa për parandalimin.

Kjo është një ditë e zezë për familjen që ka humbur njerëzit e dashur dhe një goditje e rëndë për mbarë komunitetin e Klosit dhe gjithë shoqërinë.

Është një goditje për çdo shqiptar kur e merr vesh se arma që shteti i jep punonjësit për mbrojtjen e qytetarëve del nga brezi për t’i vrarë ata.

Është një goditje kur familjet me lidhjet me partinë-shtet, siç është rasti i Klosit bëjnë akte kamikaze në mes të vendit, duke e ditur veten të paprekshëm.

Partia Demokratike denoncon masakrën shtetërore dhe bën me dije se rendi dhe siguria e qytetarëve do të ekzistojë në këtë vend kur policia e shtetit të pushojë së qeni trupë politike e orientuar nga pushteti.

Fakti që autori i vrasjes është polic bashkiak e bën shtetin dy herë fajtor.

Vetëgjyqësia është bërë modë në shtetin e Edi Ramës, sepse policia nuk kryen detyrën, nuk e njeh komunitetin dhe problematikat e tij, nuk kontrollon territorin, nuk veprojnë si profesionistë, dhe i braktisin qytetarët në duart e vetëgjyqësisë.

Në Shqipëri është bërë e lehtë të armatosesh dhe të vrasësh, si asnjëherë më parë. Jo për faktin e thjeshtë se shteti i ka ulur armët dhe është dorëzuar para pushtetit të krimit. Arsyeja dihet: krerët e të dy palëve janë në biznes me njëri-tjetrin.

Kjo gjendje nuk zgjidhet duke ndërruar drejtorët, por filozofinë. E cila mëshirohet në kreun e pushtetit të kohës. Pa ikur Edi Rama, Shqipëria do të vazhdojë në pikën e hallit dhe në mesin e rrezikut”, tha Noka./ CNA.al





Lajmet e fundit nga