web counter
LEXO PA REKLAMA!

SHKARKO APP

App Store
Google Play

Kreu i parlamentit të Kanadasë çel seancën parlamentare/ Rota vlerëson rolin e Shqipërisë për stabilitetin në rajon

13 Tetor 2022, 10:30, Aktualitet CNA

Kreu i parlamentit të Kanadasë çel seancën parlamentare/

Seanca parlamentare është çelur sot nga kryetari i parlamentit të Kanadasë, Antony Rota, i cili ka mbajtur një fjalim.

Ai ka thënë se Shqipëria dhe Kandaja kanë mundësi të shumta për të bashkëpunuar.

 “Kanadaja dhe Shqipëria kanë mundësi për të bashkëpunuar. Barazia gjinore, fuqizimi i grave, janë të rëndësishme. Shtetet që mendojnë njësoj duhet të punojnë bashkë. Si parlamentar ndiej tronditje, por edhe admirimin se si kolegët tanë në Ukrainë sapo mbarojnë seancën rrokin armët për të mbrojtur territorin. Ukraina po mbron lirinë dhe shembulli i e tyre duhet të shërbejnë për të gjithë ne. Kanadaja ka qenë shumë e angazhuar në këtë çështje. Hapi i parë për të gjetur paqe është dialogu”, është shprehur Rota.

Ndër të tjera ai është ndalur edhe te roli i Shqipërisë në rajon.

“Kanadaja dhe Shqipëria vendosën lidhje diplomacie, vendi juaj ndihmoi në stabilizimin e rajonit. Shqipëria ka punuar fort për të përforcuar marrëdhëniet me fqinjët, me nismën ‘Open Balkan’. Kemi plot gjëra për t’u krenuar”,  është shprehur më tej ai./CNA.al





Lajmet e fundit nga