E fundit!

16:16 Aktualitet

Faktet/ Pse Veliaj vonon procesin gjyqësor dhe frika që ka nga drejtësia

Një person, i cili beson te pafajësia e tij, shkon dhe për...

“Na keni nxjerrë gocën nudo në telefon”/ Flet vëllai i autorit të masakrës në Klos

13 Tetor 2022, 12:39, Aktualitet CNA

“Na keni nxjerrë gocën nudo në telefon”/ Flet

Besnim Mjeshtri, vëllai i autorit të vetëvrarë pas ngjarjes së tmerrshme në Klos, ka rrëfyer se si ka ndodhur vrasja.

Në një prononcim për "News24", ai tregon se babai i vajzës (dhe vëllai i tij), e akuzonte 17-vjeçarin se “i kishin bërë vajzën me fjalë, na e keni nxjerrë nudo në telefon”.

Po ashtu Besnik Mjeshtri tregoi se vëllai i tij Fiqiri Mjeshtri (autori i vetëvrarë), i ka kërkuar babai të Kenados, Ilir Shirës, që vajzën e tij ta merrnin për nuse në shtëpinë e tyre.

Besnik Mjeshtri fillimisht u arrestua si bashkëpunëtor i ngjarjes, por pas dëshmisë së tij ai u la i lirë, pasi ka treguar se ai kishte shkuar për ta sqaruar muhabetin në kafe dhe u kishte kërkuar vëllezërve të tij, përfshirë edhe babain e vajzës që të mos afroheshin në tavolinë. Po ashtu edhe kushërinjtë e Ilir Shirës kishin qëndruar larg. Po ashtu Mjeshtri ka cilësuar se me Ilir Shirën ishin kushërinj të largët.

“Një natë para se të ndodhë ngjarja kanë marrë kontakt nga Fatbardhi dhe Fiqeriu me prindërit e atyre dy djemve. I ka takuar kanë folur bashkë dhe e kanë lënë përfundimisht, kanë bërë debate, por nuk kam qenë prezent. Jam edhe i tronditur, e kanë lënë që të nesërmen në mëngjes të takohen dhe t'i vënë kapak kësaj pune… sepse na keni bërë gocën me fjalë… na keni nxjerrë gocën nudo në telefon. Kam takuar vëllezërit, kemi shkuar të pimë kafe në 2 raste fatkeqësie, kemi dalë në këmbë te Bashkia e vjetër dhe jemi nis në qytetin e Klosit, dhe aty më del mua Shira, Ilir Shira.

Jemi kushërinj të largët. Më tha “kam një muhabet”, i dhashë dorën, dhe më tha kam lënë që të pimë një kafe, i kanë kërkuar ato vëllait tim të pimë një kafe, u takua me mua, dhe pastaj e lamë për të pirë kafe. Ferit Shira kishte ardhur meqë e kishim të dy kushëri, vjen dhe Feriti, Liri Feriti na tha do bëhet më e mira dhe ia lamë atij në dorë, i thashë se ne na keni turpëruar.

Nuk kemi ditur gjë, por e kemi marrë vesh vonë, se kishte 3-4 muaj apo 1 vit, rrugëzgjidhje është që gocën ta marrë Liri për djalë. Që të bëjmë miqësi, kur u ngritëm nga lokali shkuam duke hëngër bukë, dhe në moment më merr një numër të panjohur dhe më merr Feriti, u futëm në një lokal. Nuk kishte as njerëz asgjë, u ulëm në tavolina jashtë, erdhi Liri, djali, Kenado dhe vëllai im, u pata thënë vëllezërve mos hajdeni në tavolinë, se do do mundohem unë që ta rregulloj unë muhabetin”, u shpreh Besnik Mjeshtri për "Report TV".

Fiqiri Mjeshtri dyshohet se vrau baba e bir, Ilir dhe Kenad Shirën, plagosi Eglantin Hasulën dhe djalin e tij të mitur, Renaton, e më pas i dha fund jetës së tij në banesë.

Të pranishëm në momentin e krimit ishin edhe dy vëllezërit e autorit, Fatbardh dhe Besnik Mjeshtri, të cilët u arrestuan nga policia por u liruan ditën e sotme.